સંધ્યા થિયેટર કેસમાં અલ્લુ અર્જુનને નિયમિત જામીન મંજૂર

હૈદરાબાદના સંધ્યા થિયેટર કેસમાં મુશ્કેલીમાં ફસાયેલા અભિનેતા અલ્લુ અર્જુન માટે સારા સમાચાર છે. કોર્ટે આ કેસમાં અલ્લુ અર્જુનને નિયમિત જામીન આપ્યા છે. નામપલ્લી કોર્ટે પોતાના આદેશ જારી કર્યા છે. આ મામલામાં પોલીસે અલ્લુ અર્જુનની ધરપકડ કરી હતી. જો કે, તેને તરત જ જામીન મળી ગયા હતા અને ધરપકડના બીજા દિવસે સવારે તેને છોડી દેવામાં આવ્યો હતો. હવે નામપલ્લી કોર્ટે પણ આ કેસમાં નિયમિત જામીન આપ્યા છે. અલ્લુ અર્જુનની ફિલ્મ 'પુષ્પા-2' 5 ડિસેમ્બરે સિનેમાઘરોમાં રિલીઝ થઈ હતી. અગાઉ, ફિલ્મનો પ્રીમિયર 4 ડિસેમ્બરની રાત્રે હૈદરાબાદના સંધ્યા થિયેટરમાં યોજાયો હતો. આ પ્રીમિયર પ્રસંગે મોટી સંખ્યામાં લોકો પહોંચ્યા હતા. અલ્લુ અર્જુન અહીં પહોંચતા જ ચાહકોમાં નાસભાગ મચી ગઈ હતી. આ નાસભાગમાં એક મહિલાનું મોત થયું હતું. જ્યારે એક બાળક પણ ગંભીર રીતે ઘાયલ થયો હતો. આ મામલે હૈદરાબાદ પોલીસે ફરિયાદ નોંધીને અલ્લુ અર્જુનની ધરપકડ કરી હતી. જો કે તેની ધરપકડ બાદ પણ કોર્ટે તેને જામીન આપી દીધા હતા. આખી રાત જેલમાં રહ્યા બાદ બીજા દિવસે અલ્લુ અર્જુનને મુક્ત કરવામાં આવ્યો હતો.