મધ્ય પૂર્વમાં વધતા તણાવ અને આંતરરાષ્ટ્રીય સ્તરે ક્રૂડ ઓઇલના ભાવ પ્રતિ બેરલ $100 ને વટાવી ગયા હોવા છતાં, ભારતીય શેરબજારે 10 સપ્ટેમ્બરના રોજ સ્થિર શરૂઆત કરી. નબળા વૈશ્વિક સંકેતો છતાં, બંને મુખ્ય સૂચકાંકો, સેન્સેક્સ અને નિફ્ટી, શરૂઆતના વેપારમાં લીલા નિશાનમાં રહેવામાં સફળ રહ્યા. બેંકિંગ, ઊર્જા અને PSU શેરોમાં ખરીદીએ બજારને ટેકો આપ્યો, જેનાથી રોકાણકારોએ રાહતનો શ્વાસ લીધો હતો.
શરૂઆતના ટ્રેડિંગ સત્રમાં, સેન્સેક્સ 100.18 પોઈન્ટ વધીને 74,864.41 પર ટ્રેડ થઈ રહ્યો હતો. નેશનલ સ્ટોક એક્સચેન્જ (NSE) નો નિફ્ટી 50 ઈન્ડેક્સ પણ 40.15 પોઈન્ટ (0.08%) વધીને 23,471.65 પર ટ્રેડ થઈ રહ્યો હતો. કુલ 1378 શેરોમાં વધારો થયો હતો, જ્યારે ૯૫૫ શેરોમાં ઘટાડો થયો હતો, અને 163 શેરોમાં કોઈ ફેરફાર થયો નહોતો. NSE હીટમેપ ડેટા અનુસાર, ક્રૂડ ઓઇલના ભાવમાં વધારાથી ઓઇલ એન્ડ નેચરલ ગેસ કોર્પોરેશન (ONGC) ને સીધો ફાયદો થયો. ONGC ના શેર +1.73% વધીને ₹238.08 પર પહોંચ્યા, જે નિફ્ટીમાં ટોચનો વધારો કરનાર બન્યો હતો.
