સમુદ્રમાં ભારતની તાકાતમાં વધારો, રાજનાથ સિંહે ‘સમુદ્ર પ્રતાપ’ કોસ્ટ ગાર્ડને સોંપ્યું

ભારતની દરિયાઈ સરહદોની સુરક્ષા અને પર્યાવરણીય સંરક્ષણ તરફ સોમવારે એક નવો અધ્યાય ઉમેરાયો. સંરક્ષણ પ્રધાન રાજનાથ સિંહે સોમવારે દક્ષિણ ગોવાના વાસ્કોમાં ગોવા શિપયાર્ડ લિમિટેડ (GSL) ખાતે દેશના પ્રથમ સ્વદેશી પ્રદૂષણ નિયંત્રણ જહાજ ‘સમુદ્ર પ્રતાપ’ ને ભારતીય કોસ્ટ ગાર્ડ (ICG) ની સેવામાં ઔપચારિક રીતે સામેલ કર્યું હતું.

અધિકારીઓએ જણાવ્યું હતું કે આ જહાજ ગોવા શિપયાર્ડ લિમિટેડ દ્વારા બનાવવામાં આવ્યું છે. 114.5 મીટર લાંબા આ જહાજમાં 60 ટકાથી વધુ સ્વદેશી સામગ્રીનો ઉપયોગ કરવામાં આવ્યો છે. આ જહાજનું વજન 4200 ટન છે અને તેની ગતિ 22 નોટથી વધુ છે. આ જહાજ દરિયાઈ પ્રદૂષણ નિયંત્રણ નિયમો, દરિયાઈ કાયદા અમલીકરણ, શોધ અને બચાવ કામગીરી અને ભારતના વિશિષ્ટ આર્થિક ક્ષેત્ર (EEZ) ના રક્ષણમાં મહત્વપૂર્ણ ભૂમિકા ભજવશે. આ જહાજને ડિસેમ્બરમાં GSL ખાતે કોસ્ટ ગાર્ડને ઔપચારિક રીતે સોંપવામાં આવ્યું હતું.

સંરક્ષણ મંત્રી સિંહે સોમવારે દક્ષિણ ગોવાના વાસ્કોમાં GSL ખાતે જહાજને કાર્યરત કર્યું. ગોવાના મુખ્યમંત્રી પ્રમોદ સાવંત, કેન્દ્રીય સંરક્ષણ સચિવ રાજેશ કુમાર સિંહ અને ICGના ડિરેક્ટર જનરલ પરમેશ શિવમણિ આ પ્રસંગે હાજર હતા. સિંહે કહ્યું, “ભારત માને છે કે દરિયાઈ સંસાધનો કોઈ એક દેશની મિલકત નથી, પરંતુ માનવતાનો સહિયારો વારસો છે.” તેમણે ઉમેર્યું, “જ્યારે વારસો વહેંચવામાં આવે છે, ત્યારે જવાબદારી પણ વહેંચાયેલી હોય છે. આ જ કારણ છે કે ભારત આજે એક જવાબદાર દરિયાઈ શક્તિ બની ગયું છે.” સિંહે એમ પણ કહ્યું કે મહિલાઓની પર્યાપ્ત ભાગીદારી સુનિશ્ચિત કરવી એ તેમની સરકારનો ઉદ્દેશ્ય છે