By ઇંગ્લેન્ડ અને વેસ્ટ ઇન્ડીઝ વચ્ચે બીજી વનડે મેચ રમાઈ રહી છે. આ મેચમાં ઇંગ્લેન્ડના કેપ્ટન હેરી બ્રુકે ટોસ જીતીને પ્રથમ બોલિંગ કરવાનો નિર્ણય લીધો હતો. બાદમાં, કેસી કાર્ટીએ વેસ્ટ ઈન્ડિઝ માટે શાનદાર સદી ફટકારી અને ટીમને 308 રન સુધી પહોંચાડવામાં મુખ્ય ભૂમિકા ભજવી. ઇંગ્લેન્ડનો જોસ બટલર મેચમાં સારું પ્રદર્શન કરી શક્યો નહીં અને મોટો ફ્લોપ સાબિત થયો. મોટા લક્ષ્યનો પીછો કરવા ઉતરેલી ઇંગ્લેન્ડની શરૂઆત ખરાબ રહી કારણ કે બંને ઓપનર જેમી સ્મિથ અને બેન ડકેટ પોતાનું ખાતું પણ ખોલાવી શક્યા નહીં. આ પછી, કેપ્ટન હેરી બ્રુક અને જો રૂટે થોડો સમય ક્રીઝ પર રહેવાનો પ્રયાસ કર્યો અને ત્રીજી વિકેટ માટે 85 રનની ભાગીદારી કરી. પરંતુ બ્રુક 47 રનના સ્કોર પર આઉટ થયો.
વેસ્ટ ઇન્ડીઝ તરફથી કેસી કાર્ટીએ સદી ફટકારી; આ મેચમાં વેસ્ટ ઈન્ડિઝ તરફથી કેસી કાર્ટીએ શાનદાર બેટિંગ કરી અને 103 રન બનાવ્યા. તેમના ઉપરાંત બ્રાન્ડન કિંગ (59 રન) અને શાઈ હોપ (78 રન) એ પણ સારી બેટિંગ કરી. આ ખેલાડીઓના કારણે જ ટીમ 308 રન બનાવી શકી. ઇંગ્લેન્ડ તરફથી આદિલ રશીદે સૌથી વધુ ચાર વિકેટ લીધી.
