ઉપરાષ્ટ્રપતિ જગદીપ ધનખરની તબિયત લથડી, દિલ્હીના AIIMSમાં દાખલ

ઉપરાષ્ટ્રપતિ જગદીપ ધનખરને રવિવારે વહેલી સવારે દિલ્હી સ્થિત ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સના કાર્ડિયાક વિભાગમાં દાખલ કરવામાં આવ્યા હતા. હોસ્પિટલના સૂત્રોના જણાવ્યા અનુસાર, તેમની હાલત સ્થિર છે અને તેમને નિરીક્ષણ હેઠળ રાખવામાં આવ્યા છે. ઉપરાષ્ટ્રપતિને છાતીમાં દુખાવાની ફરિયાદ બાદ એઈમ્સમાં દાખલ કરવામાં આવ્યા હતા. ડોક્ટરના જણાવ્યા મુજબ, ઉપરાષ્ટ્રપતિ જગદીપ ધનખરને રવિવારે સવારે 2:00 વાગ્યે બેચેની અને છાતીમાં દુખાવાની ફરિયાદ બાદ એમ્સમાં લાવવામાં આવ્યા હતા. જગદીપ ધનખર ભારતના વર્તમાન ઉપરાષ્ટ્રપતિ છે. તેમણે ૧૧ ઓગસ્ટ ૨૦૨૨ના રોજ ભારતના ૧૪મા ઉપરાષ્ટ્રપતિ તરીકે શપથ લીધા. તેમનો જન્મ ૧૮ જુલાઈ ૧૯૫૧ના રોજ રાજસ્થાનના હનુમાનગઢ જિલ્લાના કાલીબંગામાં થયો હતો. તેઓ ભારતીય જનતા પાર્ટી સાથે જોડાયેલા છે અને અગાઉ પશ્ચિમ બંગાળના રાજ્યપાલ તરીકે સેવા આપી ચૂક્યા છે. ઉપરાષ્ટ્રપતિ ધનખડે પંજાબ યુનિવર્સિટીમાંથી શિક્ષણ મેળવ્યું અને બાદમાં કાયદાની ડિગ્રી મેળવી. તેઓ એક વકીલ અને સામાજિક કાર્યકર પણ છે. આ ઉપરાંત, તેઓ ઘણા વર્ષોથી ભારતીય સંસદના સભ્ય પણ રહ્યા છે.