કેન્દ્રીય સામાજિક ન્યાય મંત્રીએ આંબેડકરને કટ્ટર રાષ્ટ્રવાદી ગણાવ્યા

નવી દિલ્હીમાં બીઆર આંબેડકરની ૧૩૪મી જન્મજયંતિની ઉજવણી કરતા , કેન્દ્રીય સામાજિક ન્યાય મંત્રી વીરેન્દ્ર કુમારે સોમવારે કહ્યું કે દેશે ક્યારેય ભૂલવું ન જોઈએ કે ભારતીય બંધારણના મુખ્ય ઘડવૈયા એક "કટ્ટર રાષ્ટ્રવાદી" હતા, તેમણે ભારતના અનુસૂચિત જાતિઓ માટે મુક્તિદાયી વિશ્વાસની શોધ કરતી વખતે ખ્રિસ્તી ધર્મ અથવા ઇસ્લામ સ્વીકારવાનો ઇનકાર કર્યો હતો. નવી દિલ્હીના ભારત મંડપમ ખાતે આયોજિત કાર્યક્રમને સંબોધતા, વીરેન્દ્ર કુમારે જણાવ્યું કે કેવી રીતે આંબેડકરે ખ્રિસ્તી મિશનરીઓ અને મુસ્લિમ નેતાઓ બંને તરફથી મળેલી ઓફરોને નકારી કાઢી હતી અને નવા ધર્મની શોધ શરૂ કરતી વખતે બૌદ્ધ ધર્મ અપનાવ્યો હતો. "તેમનું યોગદાન ખૂબ જ અમૂલ્ય હતું. શું તમે કલ્પના કરી શકો છો કે જો તેમણે ખ્રિસ્તી ધર્મ કે ઇસ્લામ સ્વીકાર્યો હોત તો આપણો દેશ કેવો હોત? ડૉ. બાબાસાહેબ આંબેડકરથી મોટો કોઈ રાષ્ટ્રવાદી નથી. તેમના જીવન દરમ્યાન તેમણે જે સંઘર્ષો, જુલમ અને ભેદભાવનો સામનો કર્યો હતો તે પછી પણ, તેઓ મૂળમાં એક કટ્ટર રાષ્ટ્રવાદી હતા,તેવું વીરેન્દ્ર કુમારે કહ્યું હતું. સામાજિક ન્યાય મંત્રાલય દ્વારા રચાયેલ તપાસ પંચ ઐતિહાસિક રીતે ઇસ્લામ કે ખ્રિસ્તી ધર્મ અપનાવનારા અનુસૂચિત જાતિના લોકોને SC યાદીમાં સામેલ કરવા જોઈએ કે કેમ તેની તપાસ કરી રહ્યું છે ત્યારે આ ટિપ્પણી આવી છે. મંત્રીએ આંબેડકરના બૌદ્ધ ધર્મ અપનાવવા અંગે વીર સાવરકરના વિચારો ટાંક્યા હતા. વીરેન્દ્ર કુમારે કહ્યું, "તેમણે [વીર સાવરકરે] કહ્યું હતું કે તેમના (આંબેડકરના) બૌદ્ધ ધર્મ સ્વીકારનો અર્થ એ થયો કે તેઓ હવે યોગ્ય રીતે હિન્દુ ધર્મમાં આવી ગયા છે. પોતાના સંબોધન દરમિયાન, સામાજિક ન્યાય મંત્રીએ જણાવ્યું કે કેવી રીતે "સામાન્ય શ્રેણીના લોકો" પણ આંબેડકરની પાછળ ઉભા રહ્યા હતા.