અનુપપુરમાં શનિવારે એક દુ:ખદ અકસ્માત થયો . ત્રણ માળની ઇમારત અચાનક ધરાશાયી થઈ ગઈ. કાટમાળ નીચે અનેક લોકો ફસાઈ ગયા. અત્યાર સુધી મળેલી માહિતી મુજબ, કાટમાળમાંથી છ લોકોને બહાર કાઢવામાં આવ્યા છે. આમાંથી ત્રણ લોકોના મોત થયા છે, જ્યારે ત્રણ અન્ય લોકોની હાલત ગંભીર છે. તમામ ઘાયલોને હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે. મધ્યપ્રદેશના મુખ્યમંત્રી ડૉ. મોહન યાદવે ઘટનાની જાણ થતાં દુઃખ વ્યક્ત કર્યું. તેમણે વળતરની પણ જાહેરાત કરી હતી.
આ દુ:ખદ અકસ્માત બાદ અનુપપુરના એસપી મોતી ઉર રહેમાન પણ ઘટનાસ્થળે પહોંચ્યા હતા. તેમણે ઘટનાની સ્થિતિની માહિતી લીધી હતી. આ મામલે કેસ પણ નોંધવામાં આવ્યો છે. માહિતી આપતાં એસપી મોતી ઉર રહેમાને જણાવ્યું હતું કે, "ગઈકાલ સાંજથી બચાવ કામગીરી ચાલી રહી છે. 6 લોકોને બચાવી લેવામાં આવ્યા છે, જેમાંથી 3 લોકોના મોત થયા છે અને 3 લોકોની હાલત સ્થિર છે. ઘાયલોને હોસ્પિટલમાં દાખલ કરવામાં આવ્યા છે. હોટલનું માળખું ખૂબ જ નબળું હતું, જેના કારણે ઇમારત ધરાશાયી થઈ. અમે કલમ 304 એ અને 290 હેઠળ કેસ નોંધ્યો છે. બચાવ કામગીરી અંતિમ તબક્કામાં છે."
અનુપપુરમાં ઘરના કાટમાળ નીચે દટાઈ જવાથી ત્રણ લોકોના મોત
