ઇથોપિયામાં બાંધકામ હેઠળનું ચર્ચ ધરાશાયી, કાટમાળ નીચે ઓછામાં ઓછા 25 લોકોના મોત

ઇથોપિયાના અમહારા ક્ષેત્રમાં બુધવારે નિર્માણાધીન એક ચર્ચ ધરાશાયી થતાં ઓછામાં ઓછા 25 લોકો માર્યા ગયા હતા. સ્થાનિક અધિકારીઓએ જણાવ્યું હતું કે બુધવારે સવારે અમહારાના મેંગર શેનકોરા આર્ટી મરિયમ ચર્ચમાં આ ઘટના બની હતી, જ્યાં ભક્તો સેન્ટ મેરીની વાર્ષિક પૂજા માટે એકઠા થયા હતા. સ્થાનિક હોસ્પિટલના ડોક્ટર સેયુમ અલ્તાયે જણાવ્યું હતું કે મૃતકોમાં કેટલાક બાળકો અને વૃદ્ધોનો સમાવેશ થાય છે. "અત્યાર સુધીમાં, 25 લોકોના મૃત્યુની પુષ્ટિ થઈ છે અને સોથી વધુ ઘાયલ છે," તેમણે કહ્યું. તેમણે કહ્યું કે હોસ્પિટલ ઘાયલ દર્દીઓની સંભાળ રાખવા માટે રેડ ક્રોસ પાસેથી મદદ માંગી રહી છે. સ્થાનિક વહીવટકર્તા ટેશાલે તિલાહુને ચેતવણી આપી હતી કે મૃત્યુઆંક વધી શકે છે. "આ સમુદાય માટે એક દુ:ખદ નુકસાન છે.