ભાજપના નવા રાષ્ટ્રીય અધ્યક્ષ માટે લગભગ એક વર્ષથી ચાલી રહેલી રાહ ૨૧ જુલાઈથી શરૂ થઈ રહેલા સંસદના ચોમાસુ સત્ર પહેલા સમાપ્ત થઈ શકે છે. રાષ્ટ્રીય અધ્યક્ષની ચૂંટણી માટે, પાર્ટી જુલાઈના પહેલા અઠવાડિયામાં ઉત્તર પ્રદેશ, મધ્ય પ્રદેશ, ગુજરાત અને કર્ણાટક સહિત લગભગ એક ડઝન રાજ્યોમાં નવા રાજ્ય પ્રમુખોની પસંદગી કરવાની યોજના ધરાવે છે. આ સંદર્ભમાં, રાષ્ટ્રીય ચૂંટણી અધિકારી ડૉ. કે. લક્ષ્મણે શુક્રવારે કેન્દ્રીય મંત્રીઓ હર્ષ મલ્હોત્રા, કિરેન રિજિજુ અને સાંસદ રવિશંકર પ્રસાદને અનુક્રમે ઉત્તરાખંડ, મહારાષ્ટ્ર અને પﾍમિ બંગાળના ચૂંટણી પ્રભારી તરીકે નિયુક્ત કર્યા.
નોંધનીય છે કે રાષ્ટ્રીય પ્રમુખની ચૂંટણી માટે, ૩૭ રાજ્યો અને કેન્દ્રશાસિત પ્રદેશોમાંથી ઓછામાં ઓછા ૧૯ રાજ્યોમાં રાજ્ય પ્રમુખોની પસંદગી કરવી ફરજિયાત છે. અત્યાર સુધી પાર્ટી ફક્ત ૧૪ રાજ્યોમાં જ આ કરી શકી છે. બીજી મોટી સમસ્યા રાષ્ટ્રીય અધ્યક્ષની ચૂંટણી માટે રચવામાં આવનાર ચૂંટણી મંડળની છે. આ બોર્ડના સભ્યો ફક્ત રાષ્ટ્રીય અને રાજ્ય પરિષદમાં સમાવિષ્ટ નેતાઓ છે. આ પરિષદોમાં યુપી, ગુજરાત, મધ્યપ્રદેશ, કર્ણાટક જેવા રાજ્યોનો હિસ્સો લગભગ ૫૦ ટકા છે. આવી સ્થિતિમાં, રાજ્ય સંગઠનની ચૂંટણીઓ પછી, આ પરિષદોના ક્વોટા ભર્યા વિના ચૂંટણી મંડળની રચના થઈ શકતી નથી.
લોકસભા ચૂંટણીમાં મળેલા પરાજયને કારણે, ઉત્તર પ્રદેશ કેન્દ્રીય નેતળત્વ માટે મોટો માથાનો દુખાવો બની ગયો છે. આ રાજ્યમાં મોટા ફેરફારો માટે એક નવેસરથી વિચાર-વિમર્શ શરૂ થયો છે. સૂત્રોના જણાવ્યા અનુસાર, કેન્દ્રીય નેતળત્વએ ચૂંટણીમાં વિખેરાયેલી OBC વોટ બેંકને પાછી લાવવી પડશે, સાથે જ BSPના નબળા પડવા અને તેની વોટ બેંક SP-કોંગ્રેસ તરફ આકર્ષિત થવાનો ઉકેલ પણ શોધવો પડશે. નવા પ્રદેશ પ્રમુખ સાથે રાજ્યમાં એક વ્યાપક રોડમેપ તૈયાર કરવામાં આવશે.નવા રાષ્ટ્રીય અધ્યક્ષ કોણ હશે તે અંગે હજુ સુધી અંતિમ નિર્ણય લેવામાં આવ્યો નથી. જોકે, પાર્ટી નેતળત્વ રાજકીય કારણોસર દલિતો અથવા દક્ષિણને મહત્વ આપવા માંગે છે. કારણ કે વિપક્ષ સતત ભાજપ અને મોદી સરકાર દ્વારા અનામત અને બંધારણનો અંત લાવવા અંગેની ધારણા ઉભી કરવાનો પ્રયાસ કરી રહ્યો છે.
રાષ્ટ્રીય અધ્યક્ષની પસંદગી પછી, પાર્ટીનું ધ્યાન સંગઠનને નવો આકાર આપવા પર છે. આ ક્રમમાં, રાષ્ટ્રીય પદાધિકારીઓની ટીમમાં ૬૦ થી ૭૦ ટકા ચહેરા બદલાશે. પાર્ટી આ ફેરફારો દ્વારા સંગઠનમાં યુવાનો, મહિલાઓ અને સમાજના તમામ વર્ગોને પ્રતિનિધિત્વ આપવાની યોજના ધરાવે છે. પાર્ટીના સૂત્રો કહે છે કે પાર્ટીના સૌથી શક્તિશાળી એકમો, સંસદીય બોર્ડ અને કેન્દ્રીય ચૂંટણી સમિતિ પણ મોટા ફેરફારોથી અસ્પળશ્ય રહેશે નહીં.
