ઈન્ડિગોની ફ્લાઈટમાં મળ્યો ધમકીભર્યો પત્ર, કંઈક એવું લખવામાં આવ્યું જેણે સૌને ચોંકાવી દીધા

ઈન્ડિગો એરલાઈન્સની ગોવા-મુંબઈ ફ્લાઈટ 6E-5101ના ટોઈલેટમાં 13 જાન્યુઆરીએ એક ધમકી પત્ર મળ્યો હતો. આ અંગે મુંબઈ એરપોર્ટ પોલીસ સ્ટેશનમાં અજાણ્યા વ્યક્તિ વિરુદ્ધ કેસ નોંધવામાં આવ્યો છે. ફરિયાદીના જણાવ્યા મુજબ, પત્રમાં એક તરફ "બૉમ્બથી સાવચેત રહો" અને બીજી બાજુ "બદલો" લખેલું હતું. FIR મુજબ, ઈન્ડિગોની ફ્લાઈટ 13 જાન્યુઆરીએ રાત્રે 9:39 વાગ્યે ગોવાના મનોહર ઈન્ટરનેશનલ એરપોર્ટથી મુંબઈ માટે રવાના થઈ હતી. ફ્લાઈટ લેન્ડ થવાની લગભગ 20 મિનિટ પહેલા હિમાંશુ ખન્નાએ એક એરલાઈન કર્મચારીને પ્લેનના ટોઈલેટમાં પડેલા પત્રની જાણકારી આપી હતી. આ પછી આ જાણકારી પાયલટ અને એર ટ્રાફિક કંટ્રોલને આપવામાં આવી. સુરક્ષા પ્રોટોકોલ હેઠળ કાર્યવાહી માહિતી મળતાની સાથે જ પ્લેનનું લેન્ડિંગ સંપૂર્ણપણે સુરક્ષિત અને અલગ રીતે કરવામાં આવ્યું હતું. એરક્રાફ્ટ લેન્ડ થયા પછી, સેન્ટ્રલ ઈન્ડસ્ટ્રીયલ સિક્યુરિટી ફોર્સ (CISF) દ્વારા ફ્લાઈટની સંપૂર્ણ તપાસ કરવામાં આવી હતી, પરંતુ એરક્રાફ્ટની અંદર કોઈ શંકાસ્પદ વસ્તુઓ મળી ન હતી. ત્યારબાદ એરલાઈન્સના સુરક્ષા વિભાગે મુંબઈ એરપોર્ટ પોલીસ સ્ટેશનને મામલાની જાણ કરી અને તેના આધારે એફઆઈઆર નોંધવામાં આવી.