નોર્વેની રાજધાની ઓસ્લોમાં યુએસ એમ્બેસી નજીક એક શક્તિશાળી વિસ્ફોટ

નોર્વેની રાજધાની ઓસ્લોમાં યુએસ એમ્બેસી નજીક એક શક્તિશાળી વિસ્ફોટ થયો હોવાના અહેવાલ છે. આ ઘટનાથી વિસ્તારમાં વ્યાપક ગભરાટ ફેલાયો છે. જોકે, આ લખાય છે ત્યાં સુધી કોઈ જાનહાનિના અહેવાલ નથી. નોર્વેજીયન પોલીસ ઘટનાની તપાસ કરી રહી છે. ઓસ્લો પોલીસનું કહેવું છે કે વિસ્ફોટ સ્થાનિક સમય મુજબ રાત્રે 1 વાગ્યાની આસપાસ થયો હતો. વિસ્ફોટનું કારણ અને સંડોવાયેલા લોકોના નામ હાલમાં સ્પષ્ટ નથી. એવું જાણવા મળ્યું છે કે કોઈ ઘાયલ કે મૃત્યુ થયાના અહેવાલ નથી. પોલીસ દૂતાવાસ સાથે વાતચીત કરી રહી છે. સ્થાનિક મીડિયાએ સાક્ષીઓને ટાંકીને જણાવ્યું હતું કે દૂતાવાસના કમ્પાઉન્ડની આસપાસના વિસ્તારમાંથી ધુમાડો નીકળતો જોવા મળ્યો હતો. જોકે, દૂતાવાસે હજુ સુધી વિસ્ફોટ અંગે કોઈ નિવેદન બહાર પાડ્યું નથી. ગભરાયેલા સ્થાનિક લોકોએ જણાવ્યું કે વિસ્ફોટ એટલા મોટા હતા કે તેમના કાનમાં દુખાવો થતો હતો. અહેવાલો અનુસાર, રાત્રે 9 વાગ્યા પછી, ઓસ્લો શહેરના મધ્ય ભાગમાં સર્વેલન્સ ડ્રોન ફરતા જોવા મળ્યા.