બેંગકોકના પબમાં ભીષણ આગ, 27 લોકોના મોત, 63 ઘાયલ

થાઇલેન્ડની રાજધાની બેંગકોકથી મોટા સમાચાર આવી રહ્યા છે. સોમવારે સવારે અહીંના એક પબમાં ભયાનક આગ લાગી હતી. આગમાં 27 લોકોના મોત થયા હતા, જ્યારે 63 લોકો ઘાયલ થયા હતા. આ ઘટનાના અનેક વીડિયો સોશિયલ મીડિયા પર પણ સામે આવ્યા છે. વીડિયોમાં પબના મુખ્ય દરવાજામાંથી આગ અને ધુમાડાના ગોટેગોટા નીકળતા જોઈ શકાય છે. આગ પર હવે કાબુ મેળવી લેવામાં આવ્યો છે.

સોમવારે વહેલી સવારે બેંગકોકમાં એક પબમાં ભીષણ આગ લાગી હતી, જેમાં ઓછામાં ઓછા 27 લોકો માર્યા ગયા હતા, એમ અધિકારીઓએ જણાવ્યું હતું. ફાયર વિભાગના કર્મચારીઓ ઘટનાસ્થળે દોડી ગયા હતા અને આગને કાબુમાં લીધી હતી. બચાવ કાર્યકરોએ જણાવ્યું હતું કે તેમને મધ્યરાત્રિની આસપાસ આગ લાગવાના અહેવાલો મળ્યા હતા. 

ઘટનાસ્થળે પહોંચેલા પ્રથમ પ્રતિભાવ આપનારાઓએ સોશિયલ મીડિયા પર આગના વીડિયો પોસ્ટ કર્યા. વીડિયોમાં થાઇલેન્ડની રાજધાની બેંગકોકના ઉત્તર ભાગમાં સ્થિત પબના આગળના દરવાજામાંથી વિશાળ જ્વાળાઓ નીકળતી અને આકાશમાં કાળો ધુમાડો ઉડતો જોવા મળે છે. કેટલાક લોકો ભાગી જવાનો પ્રયાસ કરતા પણ જોવા મળે છે.