હિંમત બિસ્વા એકવાર ફરી આસામના મુખ્યમંત્રી પદના શપથ લેશે

હિમંત બિસ્વા શર્મા મંગળવારે (12 મે) આસામના મુખ્યમંત્રી તરીકે શપથ લેશે. શપથ ગ્રહણ સમારોહ મંગળવારે સવારે 11:49 વાગ્યે યોજાશે. મુખ્યમંત્રીની સાથે એક નાનું મંત્રીમંડળ પણ શપથ લેશે. મુખ્યમંત્રી હિમંત બિસ્વા શર્માની સાથે ત્રણ મંત્રીઓ શપથ ગ્રહણ કરી શકે છે. આમાં બંને ગઠબંધન પક્ષોમાંથી એક-એક મંત્રીનો સમાવેશ થશે. 

શપથ ગ્રહણ સમારોહ ગુવાહાટીની વેટરનરી કોલેજમાં યોજાશે. શપથ ગ્રહણ સમારોહમાં પીએમ મોદી, ભાજપના રાષ્ટ્રીય અધ્યક્ષ નીતિન નવીન, કેન્દ્રીય ગૃહમંત્રી અમિત શાહ, કેન્દ્રીય સંરક્ષણ મંત્રી રાજનાથ સિંહ, તેમજ એનડીએ શાસિત રાજ્યોના મુખ્યમંત્રીઓ અને નાયબ મુખ્યમંત્રીઓ હાજરી આપશે.

રવિવારે હિમંત બિસ્વા શર્માને મુખ્યમંત્રી તરીકે નિયુક્ત કરનારા આસામના રાજ્યપાલ લક્ષ્મણ પ્રસાદ આચાર્ય મંગળવારે સવારે 11:40 વાગ્યે હિમંત બિસ્વા શર્મા અને નવા મંત્રી પરિષદના સભ્યોને પદ અને ગુપ્તતાના શપથ લેવડાવશે.

હિમંત શર્મા સતત બીજી વખત મુખ્યમંત્રી પદના શપથ લેશે
2021 માં પહેલી વાર મુખ્યમંત્રી બનેલા હિમંતા બિસ્વા શર્મા આસામમાં સતત બે વખત મુખ્યમંત્રી બનનારા પ્રથમ બિન-કોંગ્રેસી નેતા બનશે. 2016 માં તત્કાલિન મુખ્યમંત્રી સર્બાનંદ સોનોવાલના નેતૃત્વ હેઠળ ભાજપની આગેવાની હેઠળનું ગઠબંધન પહેલી વાર સત્તામાં આવ્યું ત્યારથી રાજ્યમાં આ એનડીએનો સતત ત્રીજો કાર્યકાળ હશે.

ભાજપ, આસામ ગણ પરિષદ (AGP) અને બોડોલેન્ડ પીપલ્સ ફ્રન્ટ (BPF) ના બનેલા NDA એ વિધાનસભા ચૂંટણીમાં પ્રચંડ વિજય મેળવ્યો, 126 સભ્યોની વિધાનસભામાં રેકોર્ડ 102 બેઠકો જીતી. ભાજપે એકલા 82 બેઠકો જીતી, રાજ્યમાં પ્રથમ વખત એક પક્ષની બહુમતી પ્રાપ્ત કરી, જ્યારે AGP અને BPF એ 10-10 બેઠકો જીતી.