કેરળના ભૂતપૂર્વ મુખ્યમંત્રી અને વરિષ્ઠ માર્ક્સવાદી નેતાનું નિધન

કેરળના ભૂતપૂર્વ મુખ્યમંત્રી અને વરિષ્ઠ માર્ક્સવાદી નેતા વીએસ અચ્યુતાનંદનનું ૧૦૧ વર્ષની વયે અવસાન થયું. સીપીઆઈ (એમ) એ આ માહિતી આપી છે. સીપીઆઈ (એમ) ના વરિષ્ઠ નેતા અને કેરળના ભૂતપૂર્વ મુખ્યમંત્રી વીએસ અચ્યુતાનંદન લાંબા સમયથી બીમાર હતા અને તેમને હોસ્પિટલમાં દાખલ કરવામાં આવ્યા હતા. ૧૦૧ વર્ષીય અચ્યુતાનંદનને ઘરે શંકાસ્પદ હૃદયરોગના હુમલા બાદ ૨૩ જૂને હોસ્પિટલમાં દાખલ કરવામાં આવ્યા હતા. જાન્યુઆરી ૨૦૨૧ માં વહીવટી સુધારણા સમિતિના અધ્યક્ષ પદ પરથી રાજીનામું આપ્યા પછી તેઓ તિરુવનંતપુરમમાં તેમના પુત્ર અથવા પુત્રીના ઘરે રહેતા હતા. સોમવારે, મુખ્યમંત્રી પિનરાઈ વિજયન અને સીપીઆઈ(એમ) ના નેતાઓએ હોસ્પિટલમાં તેમની મુલાકાત લીધી હતી. સમાચાર એજન્સી પીટીઆઈએ સૂત્રોને ટાંકીને જણાવ્યું હતું કે, મુખ્યમંત્રી ઉપરાંત, નાણામંત્રી કેએન બાલાગોપાલ અને રાજ્ય સચિવ સહિત અનેક પાર્ટી નેતાઓએ સોમવારે બપોરે હોસ્પિટલમાં અચ્યુતાનંદનની મુલાકાત લીધી હતી.