ગુજરાતના ભરૂચ જિલ્લામાં એક ફેક્ટરીમાં વિસ્ફોટનો મામલો સામે આવ્યો છે. અહીંની ફેક્ટરીમાં કામ કરતા ચાર મજૂરોના વિસ્ફોટના કારણે મોત થયા હતા. આ ઘટના અંગે માહિતી આપતા પોલીસે જણાવ્યું કે, મંગળવારે બપોરે ગુજરાતના ભરૂચ જિલ્લાના અંકલેશ્વર જીઆઈડીસી વિસ્તારમાં એક ઔદ્યોગિક એકમની સ્ટોરેજ ટાંકીમાં વિસ્ફોટ થયો હતો. આ વિસ્ફોટને કારણે ચાર કામદારોના મોત થયા હતા.
ભરૂચના પોલીસ અધિક્ષક મયુર ચાવડાએ જણાવ્યું હતું કે ઔદ્યોગિક કચરો ટ્રીટમેન્ટ કંપની ડીટોક્સ ઈન્ડિયા પ્રાઈવેટ લિમિટેડના પરિસરમાં સ્ટોરેજ ટાંકીની ટોચ પર કામદારો કામ કરી રહ્યા હતા ત્યારે વિસ્ફોટ થયો હતો. તેમણે કહ્યું કે આ મામલાની તપાસ કરવામાં આવી રહી છે. પોલીસ ટીમ ઘટનાસ્થળે પહોંચી ગઈ છે.
