દિલ્હી;  ટ્રેનનો ડબ્બો પાટા પરથી ઉતરી ગયો જાનહાનિ ટળી

ગુજરાતમાં વિમાન દુર્ઘટનાની મોટી દુર્ઘટના વચ્ચે, દિલ્હીથી ટ્રેન અકસ્માતના સમાચાર આવ્યા છે. દિલ્હીમાં ટ્રેન દુર્ઘટનાગ્રસ્ત થઈ હતી. ઉત્તર રેલ્વેના જણાવ્યા અનુસાર, ડાઉન મેઈન લાઇન પર શિવાજી બ્રિજ નજીક ટ્રેન નંબર- 64419 (નિઝામુદ્દીન-ગાઝિયાબાદ) નો એક કોચ પાટા પરથી ઉતરી ગયો. આ ટ્રેન હઝરત નિઝામુદ્દીનથી ગાઝિયાબાદ જઈ રહી હતી. આ દરમિયાન શિવાજી બ્રિજ સ્ટેશન નજીક ટ્રેનનો કોચ નંબર 4 પાટા પરથી ઉતરી ગયો. ઉત્તર રેલવેએ જણાવ્યું હતું કે આ ઘટનામાં કોઈ મુસાફર ઘાયલ થયો નથી અને કોઈ જાનહાનિ પણ થઈ નથી. આવી સ્થિતિમાં, રાહતની વાત છે કે એક મોટી દુર્ઘટના ટળી ગઈ. આ ટ્રેન ગાઝિયાબાદ અને દિલ્હી વચ્ચે દોડે છે. વરિષ્ઠ રેલ્વે અધિકારીઓ ઘટનાસ્થળે પહોંચી ગયા છે