ચાઈનીઝ હેકર્સનું મોટું પરાક્રમ, યુએસ નાણામંત્રીનું કોમ્પ્યુટર હેક, 50થી વધુ ફાઈલો ચોરાઈ

ચીની હેકર્સે યુએસ નાણા પ્રધાન જેનેટ યેલેનના કમ્પ્યુટરમાં તોડફોડ કરી છે. રિપોર્ટ અનુસાર, ચીની હેકર્સે યુએસ સેનેટ મેમ્બર અને ટ્રેઝરી સેક્રેટરી જેનેટ યેલેનના કોમ્પ્યુટરમાંથી ઓછામાં ઓછી 50 ફાઈલોની ચોરી કરી છે. બ્લૂમબર્ગના એક રિપોર્ટ અનુસાર, ચીની હેકર્સે ડિસેમ્બરમાં ટ્રેઝરી ડિપાર્ટમેન્ટના ડેપ્યુટી સેક્રેટરી વોલી એડેયેમો અને એક્ટિંગ અંડર સેક્રેટરી બ્રેડ સ્મિથના કમ્પ્યુટરને પણ અસર કરી હતી. રિપોર્ટમાં દાવો કરવામાં આવ્યો છે કે ચીની હેકર્સે નાણા મંત્રી અને ટ્રેઝરી સેક્રેટરી જેનેટ યેલેનના કોમ્પ્યુટરમાંથી લગભગ 50 ફાઈલો એક્સેસ કરી છે અને ટ્રેઝરી ડિપાર્ટમેન્ટ, ઈન્ટેલિજન્સ અને ઈન્ટરનેશનલ અફેર્સ સાથે જોડાયેલી માહિતીની ચોરી કરી છે. 3000 થી વધુ ફાઇલોનો ભંગ થયો રિપોર્ટ અનુસાર, હેકર્સે ટ્રેઝરી ડિપાર્ટમેન્ટના 400 થી વધુ પર્સનલ કમ્પ્યુટર્સ અને વ્યક્તિગત ઉપકરણો પર સ્થિત 3,000 થી વધુ ફાઇલોને ઍક્સેસ કરી હતી. આ સિવાય હેકર્સે અમેરિકામાં ફોરેન ઈન્વેસ્ટમેન્ટ કમિટી સાથે જોડાયેલી માહિતી પણ મેળવી છે. આ સમિતિ વિદેશી રોકાણની સુરક્ષા અસરોની સમીક્ષા કરે છે. બ્લૂમબર્ગના રિપોર્ટ અનુસાર, હેકર્સે થર્ડ પાર્ટી સાયબર સિક્યુરિટી સર્વિસ પ્રોવાઈડર BeyondTrust Corporationના સોફ્ટવેરમાં ખામીનો ફાયદો ઉઠાવ્યો છે. સાયબર સુરક્ષા સેવા પ્રદાતાએ ગયા મહિને 8 ડિસેમ્બરે આ માહિતી આપી હતી. ટ્રેઝરી ડિપાર્ટમેન્ટે આ માહિતી સાયબર સિક્યોરિટી એજન્સી, એફબીઆઈ અને અન્ય ગુપ્તચર એજન્સીઓને આપી હતી. ટ્રેઝરી સ્ટાફે આ અઠવાડિયે કૉંગ્રેસના સહાયકો અને ધારાસભ્યોને આ ઘટના વિશે માહિતી આપી હતી.