અરવિંદ કેજરીવાલે દાવો કર્યો : દિલ્હીના મુખ્યમંત્રી આતિશીની ટૂંક સમયમાં નકલી કેસમાં ધરપકડ કરવામાં આવશે

અરવિંદ કેજરીવાલે એક નિવેદનમાં દાવો કર્યો હતો કે દિલ્હીના મુખ્યમંત્રી આતિશીની ટૂંક સમયમાં નકલી કેસમાં ધરપકડ કરવામાં આવશે કારણ કે કેટલાક લોકો સરકાર દ્વારા મહિલા સન્માન યોજના અને સંજીવની યોજના જેવી કલ્યાણકારી પહેલોની જાહેરાતથી નારાજ છે. દિલ્હીમાં ભાજપ અને આમ આદમી પાર્ટી મહિલા સન્માન યોજના અને વૃદ્ધો માટેની સંજીવની યોજનાને લઈને સામસામે છે. ભાજપે અરવિંદ કેજરીવાલ પર છેતરપિંડી અને જનતાને ગેરમાર્ગે દોરવાનો આરોપ લગાવ્યો છે. દરમિયાન, આમ આદમી પાર્ટીના રાષ્ટ્રીય સંયોજક અને પૂર્વ સીએમ અરવિંદ કેજરીવાલે દાવો કર્યો છે કે આગામી થોડા દિવસોમાં મુખ્યમંત્રી આતિશીની નકલી કેસ બનાવીને ધરપકડ કરવામાં આવી શકે છે. તેમણે આરોપ લગાવ્યો કે ભાજપના લોકો તેમની સરકાર વિરુદ્ધ ષડયંત્ર કરી રહ્યા છે. કેજરીવાલે ટ્વિટ કરીને કહ્યું કે આ લોકો મહિલા સન્માન યોજના અને સંજીવની યોજનાથી ખૂબ જ પરેશાન છે. તેઓએ આગામી થોડા દિવસોમાં નકલી કેસ બનાવીને આતિશીની ધરપકડ કરવાની યોજના બનાવી છે. તે પહેલા આમ આદમી પાર્ટીના વરિષ્ઠ નેતાઓ પર દરોડા પાડવામાં આવશે.