જો બિડેન બાંગ્લાદેશની સ્થિતિ પર નજીકથી નજર : અત્યાચારને રોકવામાં મદદ કરવા અપીલ કરી

બાંગ્લાદેશમાં હિન્દુ લઘુમતીઓને જે રીતે ટાર્ગેટ કરવામાં આવે છે તેનાથી દુનિયા વાકેફ છે. દેશમાં લઘુમતી સમુદાયના લોકો અને ધાર્મિક સ્થળો પર સતત હુમલા થઈ રહ્યા છે. અમેરિકી રાષ્ટ્રપતિની ઓફિસ અને સત્તાવાર નિવાસસ્થાન વ્હાઇટ હાઉસે હવે આ મામલે મોટું નિવેદન આપ્યું છે.અમેરિકી રાષ્ટ્રપતિની ઓફિસ અને સત્તાવાર નિવાસસ્થાન વ્હાઇટ હાઉસે કહ્યું છે કે રાષ્ટ્રપતિ જો બિડેન બાંગ્લાદેશની સ્થિતિ પર નજીકથી નજર રાખી રહ્યા છે. દેશમાં ધાર્મિક અને વંશીય લઘુમતીઓની સુરક્ષા સુનિશ્ચિત કરવા માટે અમેરિકા બાંગ્લાદેશની વચગાળાની સરકારને જવાબદાર ઠેરવશે. વ્હાઇટ હાઉસના રાષ્ટ્રીય સુરક્ષા સંચાર સલાહકાર જ્હોન કિર્બીએ એક પ્રેસ કોન્ફરન્સમાં જણાવ્યું હતું કે, પૂર્વ વડા પ્રધાન પદ પરથી રાજીનામું આપ્યા પછી બાંગ્લાદેશમાં સુરક્ષાની સ્થિતિ જટિલ છે. આ પડકારને પહોંચી વળવા માટે અમે તેની કાયદા અમલીકરણ અને સુરક્ષા સેવાઓની ક્ષમતાને મજબૂત કરવા વચગાળાની સરકાર સાથે મળીને કામ કરી રહ્યા છીએ ભારતીય અમેરિકનોએ પ્રદર્શન કર્યું બાંગ્લાદેશમાં લઘુમતી હિંદુ સમુદાય પર થતા અત્યાચારના વિરોધમાં ભારતીય અમેરિકનોએ છેલ્લા કેટલાક અઠવાડિયામાં વ્હાઇટ હાઉસની સામે અને શિકાગો, ન્યૂયોર્ક, ડેટ્રોઇટ, હ્યુસ્ટન અને એટલાન્ટા સહિતના અનેક શહેરોમાં શાંતિપૂર્ણ વિરોધ પ્રદર્શન અને માર્ચ યોજી છે. તેમણે રાષ્ટ્રપતિ બિડેનને બાંગ્લાદેશમાં હિન્દુઓ પર ચાલી રહેલા અત્યાચારને રોકવામાં મદદ કરવા અપીલ કરી છે. અગાઉ, ભારતીય-અમેરિકન ધારાશાસ્ત્રી રાજા કૃષ્ણમૂર્તિએ સેનેટની વિદેશી સંબંધો સમિતિના સભ્યોને બાંગ્લાદેશમાં લઘુમતીઓ, ખાસ કરીને હિંદુઓ વિરુદ્ધ હિંસાના મુદ્દા પર ધ્યાન આપવા વિનંતી કરી હતી.