સામાન્ય બોલાચાલીમાં યુવકની હત્યા કરનાર આરોપીને મહેમદાવાદ પોલીસે ઝડપી પાડ્યો

(જી.એન.એસ) તા. 10

ખેડા,

ગુજરાતના ખેડા જિલ્લાના મહેમદાવાદ તાલુકાના સણસોલી ગામમાં ગરબાના સમયે સામાન્ય બોલચાલીને કારણે બનેલી ઝઘડામાં એક યુવકની હત્યા કરવામાં આવી હતી. મહેમદાવાદ પોલીસ, એલસીબીની એસઓજી ટીમની સંયુક્ત કાર્યવાહી બાદ આ હત્યાનો ભેદ ઉકેલાયો છે. હત્યારા યુવકને મહેમદાવાદમાંથી જ ધરપકડ કરવામાં આવી છે.

હત્યાની ઘટનાને અંજામ આપીને ફરાર થયેલા આરોપીને ઝડપી પાડવા માટે મહેમદાવાદ પોલીસે તાત્કાલિક કાર્યવાહી હાથ ધરી હતી. પોલીસે હ્યુમન ઇન્ટેલિજન્સ અને બાતમીદારોની મદદથી આરોપી કિશન ઉર્ફે અજય હસમુખભાઈ ડાભીને ઝડપી પાડ્યો છે. આરોપી કિશન ડાભી પણ મહેમદાવાદનો જ રહેવાસી છે. સામાન્ય ઝઘડામાં નિર્દોષ યુવક સચિનને મોતને ઘાટ ઉતારનાર આરોપી કિશન વિરુદ્ધ પોલીસે હત્યાનો ગુનો નોંધીને કાયદેસરની કાર્યવાહી હાથ ધરી છે.

મૃતક યુવક સંદીપ ઉર્ફે સચિન (વય 25), જે સ્થાનિક વતની હતા અને ગામમાં જ મજૂરી કરતા હતા, તેઓ મિત્રો સાથે ગરબા ગાવા માટે એકઠા થયા હતા. અહીં સામાન્ય વાતચીત દરમિયાન બોલચાલી પરથી દલીલ શરૂ થઈ, જે ઉગ્ર બની ગઈ હતી. આ ઝઘડામાં હત્યારા કિશન ઉર્ફે અજય હસમુખભાઈ ડાભી (વય 27), જે મહેમદાવાદનો રહેવાસી છે.