ભાજપના ઉમેદવાર સતિષ પટેલની જીત

માંજલપુર વિધાનસભા પેટા ચૂંટણીમાં ભાજપના ઉમેદવાર સતીષ પટેલની જીત થઇ છે. પેટાચૂંટણીમાં ભાજપ ઉમેદવાર સતીષ પટેલનો 30,499 મતથી વિજય થયો છે. કોંગ્રેસ ઉમેદવાર ભીખાભાઈ રબારીને 24,585 મત મળ્યા છે. ભાજપની જીત થતા મહિલા કાર્યકરોએ ગરબા રમીને ઉજવણી કરી રહી છે. ભાજપના ઉમેદવાર સતિષ પટેલે કહ્યું હતું કે માંજલપુરની જનતાએ યોગેશ કાકાને સહકાર આપ્યો તે જ રીતે મને પણ આપ્યો છે. તો કોંગ્રેસના ઉમેદવાર ભીખા રબારીએ હાર સ્વીકારીને કહ્યું કે ભાજપે અંતિમ સમયે ભયનું વાતાવરણ ઊભું કર્યું હતું.