ધુમ્મસના કારણે દિલ્હી આવી રહેલી આ 25 ટ્રેનો 8 કલાક લેટ, જુઓ યાદી

ઉત્તર ભારતમાં શિયાળાની કઠોરતા પૂરજોશમાં છે. ઉત્તર ભારતના ઘણા ભાગોમાં આજે પણ ધુમ્મસ જોવા મળી રહ્યું છે. તે જ સમયે, રાજધાની દિલ્હી સહિત NCRમાં ઘણી જગ્યાએ હળવો વરસાદ થયો છે. જેના કારણે ઠંડીમાં વધારો થયો છે. ભારતીય રેલ્વે અનુસાર, દિલ્હી સહિત ઉત્તર ભારતમાં ધુમ્મસના કારણે દિલ્હી આવતી 25 ટ્રેનો મોડી ચાલી રહી છે. જેના કારણે મુસાફરોને ભારે હાલાકીનો સામનો કરવો પડી રહ્યો છે. ટ્રેન નંબર 12,919 માલવા એક્સપ્રેસ 6 કલાકથી વધુ મોડી ચાલી રહી છે. તે જ સમયે ટ્રેન નંબર 12414 પૂજા સુપરફાસ્ટ એક્સપ્રેસ આઠ કલાક મોડી ચાલી રહી છે. ટ્રેન નંબર 12801 પુરુષોત્તમ એક્સપ્રેસ 3 કલાક મોડી ચાલી રહી છે. ટ્રેન નંબર 15743 ફરક્કા એક્સપ્રેસ અઢી કલાક મોડી ચાલી રહી છે. ટ્રેન નંબર 22437 હમસફર એક્સપ્રેસ અઢી કલાકથી વધુ વિલંબથી દિલ્હી પહોંચી હતી. ટ્રેન નંબર 12393 સંપૂર્ણ ક્રાંતિ એક્સપ્રેસ અઢી કલાક મોડી ચાલી રહી છે. ટ્રેન નંબર 12571 હમસફર એક્સપ્રેસ 1 કલાક મોડી ચાલી રહી છે. ટ્રેન નંબર 12559 શિવ ગંગા એક્સપ્રેસ 2 કલાક મોડી ચાલી રહી છે. ટ્રેન નંબર 12417 પ્રયાગરાજ એક્સપ્રેસ અડધો કલાક મોડી પ્રયાગરાજ પહોંચી છે.