ભારતે T20 શ્રેણીમાં ઝિમ્બાબ્વેને ક્લીન સ્વીપ કર્યું, ટીમ ઈન્ડિયાએ જીતની હેટ્રિક હાંસલ કરી

ભારત અને ઝિમ્બાબ્વે વચ્ચેની T20 શ્રેણીની ત્રીજી અને અંતિમ મેચ આજે હરારે સ્પોર્ટ્સ ક્લબ ખાતે રમાઈ હતી, જેમાં ટીમ ઈન્ડિયાએ 35 રનથી જીત મેળવી હતી. આ સાથે ટીમ ઈન્ડિયાએ આ T20 શ્રેણીમાં ઝિમ્બાબ્વેનો 3-0 થી ક્લીન સ્વીપ પૂર્ણ કર્યો. ટીમ ઈન્ડિયાના કેપ્ટન શ્રેયસ ઐયરે ટોસ જીતીને પહેલા બેટિંગ કરવાનો નિર્ણય લીધો. પહેલા બેટિંગ કરતા ટીમ ઈન્ડિયાએ 20 ઓવરમાં 5 વિકેટ ગુમાવીને 192 રન બનાવ્યા. આ મેચમાં ભારત માટે વૈભવ સૂર્યવંશીએ એકમાત્ર અડધી સદી ફટકારી. વૈભવે 49 બોલમાં 81 રનની ઈનિંગ રમી. જવાબમાં ઝિમ્બાબ્વે 20 ઓવર સુધી બેટિંગ કર્યા બાદ 7 વિકેટ ગુમાવીને 157 રન જ બનાવી શક્યું. ઝિમ્બાબ્વે માટે રાયન બર્લે અડધી સદી ફટકારી. ભારતીય ટીમે આ મેચ માટે બે ફેરફાર કર્યા. અશોક શર્માએ પ્રિન્સ યાદવની જગ્યાએ અને સૂર્યાંશ શેડગેએ શિવમ દુબેની જગ્યાએ ટીમમાં સ્થાન મેળવ્યું હતું.