નીતિન નવીનની નવી ટીમને મળ્યા પીએમ મોદી, કહ્યું- લોકો સાથે જોડાણ વધુ મજબૂત બનાવો

નવી દિલ્હીઃ પ્રધાનમંત્રી નરેન્દ્ર મોદીએ ભાજપના રાષ્ટ્રીય અધ્યક્ષ નીતિન નવીનના નેતૃત્વ હેઠળ રચાયેલી નવી સંગઠનાત્મક ટીમ સાથે બેઠક કરી હતી. બેઠક દરમિયાન પીએમ મોદીએ પાર્ટીના સંગઠનને વધુ મજબૂત બનાવવા અને લોકો સાથે જોડાણ વધારવા માટે નવા વિચારો અને દ્રષ્ટિકોણ પર ભાર મૂક્યો હતો. ભાજપની નવી ટીમની જાહેરાત 17 ઓગસ્ટે કરવામાં આવી હતી. નવી ટીમ સાથે પીએમ મોદીની આ પ્રથમ મહત્વપૂર્ણ બેઠક હતી. બેઠકમાં વિદાય લઈ રહેલી રાષ્ટ્રીય કાર્યકારિણીના કેટલાક પદાધિકારીઓ તેમજ વિવિધ રાજ્ય એકમોના પ્રમુખો પણ હાજર રહ્યા હતા.

પીએમ મોદીએ સોશિયલ મીડિયા પ્લેટફોર્મ X પર પોસ્ટ કરીને જણાવ્યું કે સંગઠનાત્મક બેઠકો પાર્ટીને મજબૂત બનાવવા અને જનતા સાથે જોડાણ વધારવા માટે નવા વિચારો અને અભિગમો પર ધ્યાન કેન્દ્રિત કરે છે. તેમણે નવી સંગઠનાત્મક ટીમ સાથે થયેલી ચર્ચાને ખૂબ જ ફળદાયી ગણાવી હતી. બેઠકમાં નવા ઉપાધ્યક્ષ રામ માધવ, વસુંધરા રાજે, બિપ્લબ દેબ, ભૂતપૂર્વ કેન્દ્રીય મંત્રી સ્મૃતિ ઈરાની, મહાસચિવ (સંગઠન) બી. એલ. સંતોષ તેમજ કેન્દ્રીય મંત્રી અને ખજાનચી પીયૂષ ગોયલ સહિતના નેતાઓ ઉપસ્થિત રહ્યા હતા.કર્યા.