દિલ્હી આવેલા પાકિસ્તાની નાગરિકોને તેમના દેશ પાછા મોકલવામાં આવશે; રેખા ગુપ્તા

દિલ્હીમાં રહેતા તમામ પાકિસ્તાની નાગરિકોને પાકિસ્તાન પાછા મોકલવામાં આવશે. દિલ્હીના મુખ્યમંત્રી રેખા ગુપ્તાએ ટ્વીટ કરીને જણાવ્યું હતું કે ભારત સરકારના ગૃહ મંત્રાલયે 27 એપ્રિલ, 2025 થી પાકિસ્તાની નાગરિકોને આપવામાં આવેલા મેડિકલ, ડિપ્લોમેટિક અને લાંબા ગાળાના વિઝા સિવાયના તમામ વિઝા રદ કરી દીધા છે. 29 એપ્રિલ, 2025 પછી હાલના મેડિકલ વિઝા પણ અમાન્ય થઈ જશે. આ પછી, પાકિસ્તાની નાગરિકોને કોઈ નવા વિઝા જારી કરવામાં આવશે નહીં. દિલ્હી સરકાર આ આદેશોનું કડક પાલન સુનિશ્ચિત કરી રહી છે.  રેખા ગુપ્તાએ કહ્યું કે જો કોઈ પાકિસ્તાની કેન્દ્ર સરકાર દ્વારા જારી કરાયેલા આદેશનું ઉલ્લંઘન કરશે તો તેની સામે કડક કાર્યવાહી કરવામાં આવશે. આ મામલા પર ગંભીરતાથી નજર રાખવામાં આવી રહી છે. કેન્દ્રીય ગૃહમંત્રી અમિત શાહે તમામ રાજ્યોના મુખ્યમંત્રીઓને ફોન કરીને ખાતરી કરવા કહ્યું હતું કે કોઈ પણ પાકિસ્તાની નાગરિક ભારત છોડવા માટે નિર્ધારિત સમય મર્યાદાથી વધુ દેશમાં ન રહે. મુખ્યમંત્રીઓને તેમના રાજ્યોમાં રહેતા પાકિસ્તાની નાગરિકોની ઓળખ કરવા અને તેમને દેશનિકાલ સુનિશ્ચિત કરવા પણ કહેવામાં આવ્યું છે.