રાજધાની દિલ્હીમાં ધુમ્મસને કારણે વિઝિબિલિટીમાં નોંધપાત્ર ઘટાડો થયો દિલ્હી માટે 'ઓરેન્જ એલર્ટ'

રાષ્ટ્રીય રાજધાની દિલ્હીમાં સવારે ગંભીર ધુમ્મસ જોવા મળ્યું હતું. ધુમ્મસના કારણે વિસ્તારની વિઝિબિલિટીમાં નોંધપાત્ર ઘટાડો થયો છે જેના કારણે વાહનવ્યવહારના માધ્યમોને ભારે મુશ્કેલીનો સામનો કરવો પડી રહ્યો છે. મળતી માહિતી મુજબ, દિલ્હીમાં ઓછી વિઝિબિલિટીના કારણે 100થી વધુ ફ્લાઈટ્સ અને 26 ટ્રેનો પ્રભાવિત થઈ છે. તે જ સમયે, દિલ્હીનું લઘુત્તમ તાપમાન છ ડિગ્રી સેલ્સિયસ નોંધાયું છે. દરમિયાન, હવામાન વિભાગે હવે દિલ્હી માટે ઓરેન્જ એલર્ટ જાહેર કર્યું છે. હવામાન વિભાગે લોકો માટે ઘણી એડવાઈઝરી પણ જારી કરી છે. રાજધાની દિલ્હીના ઘણા વિસ્તારોમાં ગાઢ ધુમ્મસ છે. આ દરમિયાન હવામાન વિભાગે ઓરેન્જ એલર્ટ જાહેર કર્યું છે. તમને જણાવી દઈએ કે ઓરેન્જ એલર્ટ ત્યારે જારી કરવામાં આવે છે જ્યારે ખરાબ હવામાનને કારણે રેલ અને રોડ સેવાઓ ખોરવાઈ શકે છે હવામાન વિભાગે લોકોને ધુમ્મસ દરમિયાન વાહન ચલાવતી વખતે અથવા મુસાફરી કરતી વખતે સાવધાની રાખવાની અપીલ કરી છે. આ સાથે લોકોને સારી વિઝિબિલિટી માટે ફોગ લાઇટનો ઉપયોગ કરવાની પણ સલાહ આપવામાં આવી છે. ભારતીય હવામાન વિભાગે એરલાઇન્સ, રેલ્વે અને અન્ય પરિવહન સેવાઓ અંગે પણ સલાહ આપી છે. IMD એ લોકોને કોઈપણ અસુવિધા ટાળવા માટે એરલાઈન્સ, રેલવે સત્તાવાળાઓ અને રાજ્ય પરિવહન સેવાઓ સાથે સંકલન કરીને સમય કોષ્ટક વિશે અપડેટ રાખવા જણાવ્યું છે.