ઈરાન યુદ્ધ બાદ PM મોદી અને મસૂદ પેઝેશ્કિયાન વચ્ચે મુલાકાત

પ્રધાનમંત્રી નરેન્દ્ર મોદી SCO સમિટ માટે કિર્ગિસ્તાનની રાજધાની બિશ્કેકમાં છે. તેમણે ત્યાં ઈરાનના રાષ્ટ્રપતિ મસૂદ પેઝેશ્કિયાન સાથે મુલાકાત કરી. ફેબ્રુઆરીમાં ઈરાન અને અમેરિકા વચ્ચે યુદ્ધ શરૂ થયા પછી બંને નેતાઓ વચ્ચે આ પહેલી મુલાકાત છે. જોકે, બંને નેતાઓ વચ્ચે કયા મુદ્દાઓ પર ચર્ચા થઈ તે હજુ સુધી સ્પષ્ટ નથી. આ મુલાકાત અંગે બંને પક્ષો દ્વારા હજુ સુધી કોઈ સત્તાવાર નિવેદન જારી કરવામાં આવ્યું નથી.

પ્રધાનમંત્રી મોદી ફેબ્રુઆરીથી ઈરાની નેતૃત્વ સાથે સંપર્કમાં છે. તેમણે સતત ભાર મૂક્યો છે કે બધા વિવાદો વાતચીત અને રાજદ્વારી દ્વારા ઉકેલવા જોઈએ. તેમણે મધ્ય પૂર્વમાં સ્થિરતા જાળવવા અને વૈશ્વિક પુરવઠા શૃંખલાઓમાં વિક્ષેપો અટકાવવાની જરૂરિયાત પર પણ ભાર મૂક્યો છે.

૩૦ જૂનના રોજ ઈરાનના રાષ્ટ્રપતિ પેઝેશ્કિયાન સાથે ફોન પર વાતચીત દરમિયાન, પીએમ મોદીએ પ્રદેશમાં વધતા તણાવ અંગે ચિંતા વ્યક્ત કરી હતી. તેમણે શાંતિ અને સ્થિરતા પ્રત્યે ભારતની પ્રતિબદ્ધતાનો પુનરોચ્ચાર કર્યો હતો. પ્રધાનમંત્રીએ ઈરાનમાં રહેતા ભારતીય નાગરિકોની સુરક્ષા સુનિશ્ચિત કરવા બદલ પેઝેશ્કિયાનનો આભાર પણ માન્યો હતો.

પીએમ મોદી અને પેઝેશ્કિયન વચ્ચેની આ મુલાકાત અમેરિકા અને ઈરાન દ્વારા લગભગ એક મહિનામાં પહેલી વાર લશ્કરી કાર્યવાહી ફરી શરૂ કર્યાના થોડા કલાકો બાદ થઈ છે. અમેરિકાએ લારાક ટાપુ પર ઈરાની લશ્કરી રોકેટ લોન્ચર્સને નિશાન બનાવ્યા હતા. અમેરિકાનું કહેવું છે કે ઈરાનને હોર્મુઝ સ્ટ્રેટમાં લેન્ડમાઈન બિછાવતા અટકાવવા માટે આ કાર્યવાહી જરૂરી હ