હૈદરાબાદમાં શ્રી કૃષ્ણ જન્માષ્ટમી પર મોટો અકસ્માત, શોભાયાત્રાનો રથ હાઇ ટેન્શન વાયરના સંપર્કમાં આવ્યો, 5 લોકોના ઘટનાસ્થળે જ મોત

હૈદરાબાદના રમંતપુર વિસ્તારમાંથી એક ખૂબ જ દુઃખદ સમાચાર આવ્યા છે. શ્રી કૃષ્ણ જન્માષ્ટમીની શોભાયાત્રા દરમિયાન, રથ હાઇ ટેન્શન વાયરના સંપર્કમાં આવતા 5 લોકોના મોત થયા હતા અને ચાર ઘાયલ થયા હતા. આ અકસ્માત ઉપ્પલ પોલીસ સ્ટેશન વિસ્તાર હેઠળ આવતા રમંતપુર વિસ્તારના ગોપાલ નગરમાં થયો હતો. આ ઘટના રવિવારે રાત્રે 1:30 વાગ્યે રામનાથપુર વિસ્તારમાં બની હતી. પોલીસે જણાવ્યું હતું કે આ વાહનમાં ભગવાનની મૂર્તિઓ રાખવામાં આવી હતી અને આ વાહન ઉપરથી પસાર થતા ઇલેક્ટ્રિક વાયર સાથે અથડાયું હતું, ત્યારબાદ વાયર તૂટીને વાહન પર પડ્યો હતો. આ અચાનક થયેલા અકસ્માતને કારણે તહેવારની ખુશી શોકમાં ફેરવાઈ ગઈ. ચીસો અને નાસભાગ વચ્ચે, લોકો પોતાનો જીવ બચાવવાનો પ્રયાસ કરતા રહ્યા. ઘાયલોને નજીકની હોસ્પિટલોમાં દાખલ કરવામાં આવ્યા છે. ઉપ્પલ જિલ્લાના પોલીસ ઇન્સ્પેક્ટરે જણાવ્યું હતું કે, "ગઈકાલે રાત્રે શ્રી કૃષ્ણ જન્માષ્ટમી શોકયાત્રા દરમિયાન વીજળીના આંચકાને કારણે પાંચ લોકોના ઘટનાસ્થળે જ મોત થયા હતા અને ચાર અન્ય ઘાયલ થયા હતા. ઘાયલોને વધુ સારવાર માટે હોસ્પિટલમાં ખસેડવામાં આવ્યા હતા અને મૃતદેહોને પોસ્ટમોર્ટમ માટે મોકલી દેવામાં આવ્યા છે."