રાજ્યપાલ શ્રી આચાર્ય દેવવ્રતજીની શુભેચ્છા મુલાકાત લેતા લેફ્ટનન્ટ જનરલ એ.વી.એસ. રાઠી

(જી.એન.એસ) તા. ૦૩

ગાંધીનગર,

આર્મી મેડલ, વિશિષ્ટ સેવા મેડલ, ૧૨ કોર્પ્સ, જનરલ ઓફિસર કમાન્ડિંગ લેફ્ટનન્ટ જનરલ એ.વી.એસ. રાઠીએ આજે રાજભવન, ગાંધીનગર ખાતે રાજ્યપાલ શ્રી આચાર્ય દેવવ્રતજી સાથે સૌજન્ય મુલાકાત કરી હતી.

બેઠક દરમિયાન રાજ્યપાલશ્રીએ લેફ્ટનન્ટ જનરલ શ્રી રાઠીની રાષ્ટ્ર પ્રત્યેની સેવા, શિસ્ત અને બહાદુરીની પ્રશંસા કરી હતી. તેમણે કહ્યું કે, ભારતીય સેના રાષ્ટ્રની સાર્વભૌમત્વ, અખંડિતતા અને સુરક્ષાની અતૂટ ગેરંટી છે અને દેશવાસીઓનું ગૌરવ છે. રાજ્યપાલશ્રીએ ભારતીય સેનાની બહાદુરી અને સેવાની ભાવના પ્રત્યે આદર વ્યક્ત કર્યો હતો.