મહિસાગરના કડાણા ડેમમાં મોટા પ્રમાણમાં પાણીની આવક જોવા મળી

(GNS)23

મહિસાગરના કડાણા ડેમમાં પાણીની આવક જોવા મળી છે. કડાણા ડેમમાં પાણીની આવક 34 હજાર ક્યુસેક થઈ રહી છે. કડાણા ડેમ ભયજનક સપાટીથી માત્ર 4 ફૂટ દૂર છે. ડેમની હાલની સપાટી 415.4 ફૂટે પહોંચી છે. કડાણા ડેમની ભયજનક સપાટી 419 ફૂટ છે. કડાણા ડેમ 91 ટકા ભરાતા ખેડૂતોમાં ખુશી જોવા મળી છે. ઉપરવાસમાં ભારે વરસાદથી ડેમમાં પાણીની આવક વધી રહી છે.

રાજ્યના ત્રીજા નંબરના કડાણા ડેમમાં 34000 ક્યુસેક પાણીની આવક થઈ છે. આઠ જિલ્લાની જીવા દોરી સમાન કડાણા ડેમ 91% ભરાતા ખેડૂતોમાં ખુશી જોવા મળી છે. કડાણા ડેમની ભય જનક સપાટી 419 ફૂટ જ્યારે હાલની સપાટી 415 ફૂટ અને 4 ઇંચ ઉપર પહોંચી છે. કડાણા ડેમ તેની ભય જનક સપાટીથી માત્ર 4 ફૂટ દૂર છે. કડાણા ડેમમાં પાણીની આવકમાં વધારો થતા બે પાવર યુનિટ દ્વારા વીજળીનું ઉત્પાદન થઈ રહ્યું છે.

કડાણા ડેમમાં 10,200 ક્યુસેક જેટલું પાણી વીજળી ઉત્પાદન માટે પાવર હાઉસ કાર્યરત કરવામાં આવ્યું છે. કડાણા ડેમની વધતી જળ સપાટીને ધ્યાને લઈ ડેમ પ્રશાસન દ્વારા પાણી છોડાય તેવી શક્યતા છે. મહિસાગર તેમજ આસપાસના વિસ્તારોમાં ગત રાત્રીથી ધોધમાર વરસાદ પડી રહ્યો છે. ભારે વરસાદના પગલે નદીઓ બે કાંઠે થઈ છે. હવામાન વિભાગ દ્વારા ઉત્તર ગુજરાતમાં ભારે વરસાદની આગાહી કરવામાં આવી છે.