BCCI એ સાઈ સુદર્શનના સ્થાને ખેલાડીની જાહેરાત કરી

ભારતીય ટીમ 15 ઓગસ્ટથી બે મેચની ટેસ્ટ શ્રેણી માટે શ્રીલંકાનો પ્રવાસ કરશે. BCCI એ આ પ્રવાસ માટે ટીમની જાહેરાત કરી દીધી છે. ફિટનેસના આધારે પસંદ કરાયેલા બેટ્સમેન સાઈ સુદર્શનને ફિટનેસના અભાવે 8 ઓગસ્ટે ટીમમાંથી બહાર કરવામાં આવ્યો હતો. BCCI એ હવે સાઈ સુદર્શનના સ્થાને ખેલાડીની જાહેરાત કરી છે, જેનાથી લાંબા વિરામ બાદ સરફરાઝ ખાન ભારતીય ટીમમાં પરત ફર્યો છે. સરફરાઝે છેલ્લે નવેમ્બર 2024 માં ટેસ્ટ મેચ રમી હતી. BCCI એ જાહેરાત કરી હતી કે સરફરાઝ ખાન ગાલેમાં રમાનારી પ્રથમ ટેસ્ટ પહેલા ભારતીય ટીમમાં જોડાશે.

શ્રીલંકા સામેની બે મેચની ટેસ્ટ શ્રેણી માટે સાઈ સુદર્શનના સ્થાને ટીમમાં સામેલ કરાયેલા સરફરાઝ ખાન છેલ્લે નવેમ્બર 2024માં ઘરઆંગણે ન્યુઝીલેન્ડ સામે ટેસ્ટ શ્રેણીમાં રમ્યા હતા. ત્યારથી, સરફરાઝ ખાનને રમવાની તક મળી નથી. પોતાની ટેસ્ટ કારકિર્દીમાં, તેણે છ ટેસ્ટ મેચ રમી છે, 11 ઇનિંગ્સમાં બેટિંગ કરી છે અને 37.1 ની સરેરાશથી 371 રન બનાવવામાં સફળ રહ્યો છે. આ સમયગાળા દરમિયાન, તેણે ત્રણ અડધી સદી અને એક સદી પણ ફટકારી છે.

શ્રીલંકા પ્રવાસ માટે ટીમમાં સરફરાઝ ખાનનો સમાવેશ કરવા ઉપરાંત, બીસીસીઆઈએ એક રિલીઝમાં સાઈ સુદર્શનની ફિટનેસ અંગે અપડેટ પણ આપ્યું હતું, જેમાં કહેવામાં આવ્યું હતું કે સુદર્શન શ્રીલંકા સામેની ટેસ્ટ શ્રેણીમાંથી બહાર થઈ ગયો છે. તે બેંગલુરુમાં બીસીસીઆઈ સેન્ટર ઓફ એક્સેલન્સમાં છે અને જમણા પગના અંગૂઠામાં સ્ટ્રેસ રિએક્શનની ઈજામાંથી સ્વસ્થ થઈ રહ્યો છે. તેણે નોંધપાત્ર સુધારો દર્શાવ્યો છે અને તે ઝડપથી સ્વસ્થ થઈ રહ્યો છે. તબીબી ટીમ તેની રિકવરી પર નજીકથી નજર રાખી રહી છે.