ગુજરાત પ્રદેશ ભાજપના નવનિયુક્ત અધ્યક્ષશ્રી જગદીશ વિશ્વકર્માજીએ ગાંધીનગર સેકટર ૧૨ ખાતે વિશ્વકર્મા મંદિરે દર્શન કર્યા

(જી.એન.એસ) તા. 4

ગાંધીનગર,

ગુજરાત પ્રદેશ ભારતીય જનતા પાર્ટીના નવનિયુક્ત પ્રદેશ અધ્યક્ષશ્રી જગદીશ વિશ્વકર્માજીએ શનિવારે પ્રદેશ કાર્યાલય શ્રી કમલમ ખાતે ચાર્જ સંભાળ્યો હતો. આ બાદ તેઓ ગાંધીનગરના સેકટર ૧૨ સ્થિત વિશ્વકર્મા મંદિરે દર્શનાર્થે પંહોચ્યા હતાં જ્યાં ગાંધીનગર શહેર ભાજપ પ્રમુખ આશિષકુમાર દવે, ધારાસભ્ય રીટાબેન પટેલ સહિત શહેર ભાજપ પરિવારના સભ્યો અને વિશ્વકર્મા સમાજના આગેવાનોએ પ્રદેશ અધ્યક્ષશ્રીનું સ્વાગત કર્યું હતું. આ પ્રસંગે શ્રી જગદીશ વિશ્વકર્માજીએ ઉપસ્થિત સૌ સાથે સંવાદ કર્યો હતો.