(જી.એન.એસ) તા. 02
અમદાવાદ,
અમદાવાદના નરેન્દ્ર મોદી સ્ટેડિયમ ખાતે રમાનારી IPL 2025ની ટિકીટની કાળાબજારી કરનર વ્યક્તિને અમદાવાદ ક્રાઈમ બ્રાંચે ઝડપી લીધો હતો, તેની પાસેથી પોલીસે 11 ટિકીટો કબજે કરી છે. ક્રાઈમ બ્રાંચ પોલીસને માહિતી મળી હતી કે એક શખ્સ IPL 2025ની ટિકીટની કાળાબજારી કરે છે. આ શખ્સ વિજય ચાર રસ્તા નજીક ટિકીટની કાળાબજારી કરતો હતો ત્યારે પોલીસે તેને ઝડપી લીધો હતો.
પકડાયેલ વ્યક્તિ પાસેથી પોલીસે IPL 2025ની 11 ટિકીટો કબજે કરી હતી. પુછપરછમાં તેનું નામ ભાવુક નરપતરાજ ચૌહાણ(21) અને નવરંગપુરામાં કોમર્સ છ રસ્તા પાસે ડ્રીમ હાઊસમાં પી.જી તરીકે રહેતો હોવાનું બહાર આવ્યું હતું. મુળ તે રાજસ્થાનનો રહેવાસી હોવાનું બહાર આવ્યું છે.
પોલીસ તપાસમાં આરોપી ભાવુક ચૌહાણે તેની પાસેથી મળેલી ટિકીટો ઓનલાઈન બુક કરાવી હોવાનું જણાયું હતું. IPL 2025ની રૂ.1500ની ટિકીટ તે લોકોને રૂ.5,000 અને રૂ. 2,000 ની કિંમતની ટિકીટ રૂ.6,000 માં વેચતો હોવાની કબૂલાત પોલીસ સમક્ષ કરી હતી.
Source link
