મ્યાનમારમાંથી 'સાયબર ગુલામી'માં ધકેલી દેવામાં આવેલા 60 થી વધુ ભારતીયોને બચાવાયા; 5 ની ધરપકડ

મહારાષ્ટ્ર પોલીસની સાયબર વિંગે મ્યાનમારમાં સાયબર ગુલામીમાં ફસાયેલા 60 થી વધુ ભારતીય નાગરિકોને બચાવ્યા છે અને એક વિદેશી નાગરિક સહિત પાંચ એજન્ટોની ધરપકડ કરી છે, તેવું શુક્રવારે અહીં એક અધિકારીએ જણાવ્યું હતું.તેમણે જણાવ્યું હતું કે મહારાષ્ટ્ર સાયબરે આ સંદર્ભમાં ત્રણ પ્રાથમિક માહિતી અહેવાલો નોંધાવ્યા છે. તેમણે જણાવ્યું હતું કે રેકેટર્સે સોશિયલ મીડિયા પ્લેટફોર્મ દ્વારા પીડિતોનો સંપર્ક કર્યો હતો અને તેમને થાઇલેન્ડ અને અન્ય પૂર્વ એશિયાઈ દેશોમાં ઉચ્ચ પગારવાળી નોકરીઓની ઓફર કરી હતી. એજન્ટોએ પીડિતો માટે પાસપોર્ટ અને ફ્લાઇટ ટિકિટની વ્યવસ્થા કરી અને તેમને ટુરિસ્ટ વિઝા પર થાઇલેન્ડ મોકલ્યા હા. દેશમાં ઉતર્યા પછી, તેમને મ્યાનમાર સરહદ પર મોકલવામાં આવ્યા જ્યાં તેમને નાની હોડીઓમાં નદી પાર કરાવવામાં આવી હતી. મ્યાનમારમાં પ્રવેશ્યા પછી, પીડિતોને સશસ્ત્ર બળવાખોર જૂથો દ્વારા નિયંત્રિત રક્ષિત કમ્પાઉન્ડમાં લઈ જવામાં આવ્યા હતા જ્યાં તેમને 'ડિજિટલ ધરપકડ' કૌભાંડોથી લઈને ઔદ્યોગિક સ્તરે નકલી રોકાણ યોજનાઓ સુધીના સાયબર છેતરપિંડી કરવા દબાણ કરવામાં આવ્યું હતું. મહારાષ્ટ્ર સાયબર અને અન્ય એજન્સીઓએ પીડિતોને બચાવ્યા, એમ અધિકારીએ જણાવ્યું હતું.