મધ્યપ્રદેશના સરકારી હોસ્પિટલમાં લાગી આગ, મોટી જાનહાનિ ટળી

અધિકારીઓએ જણાવ્યું હતું કે, મધ્યપ્રદેશના ગ્વાલિયર શહેરમાં રવિવારે એક સરકારી હોસ્પિટલમાં આગ લાગી હતી. આગ લાગ્યા બાદ તરત જ મેડિકલ સુવિધામાં રહેલા 190 થી વધુ દર્દીઓને બહાર કાઢવામાં આવ્યા હતા, એમ તેમણે જણાવ્યું હતું. સમાચાર એજન્સી પીટીઆઈએ અધિકારીઓને ટાંકીને અહેવાલ આપ્યો છે કે આ ઘટનામાં કોઈ જાનહાનિ થઈ નથી. ગજરા રાજા મેડિકલ કોલેજનો ભાગ રહેલી કમલા રાજા હોસ્પિટલમાં આગ લાગી હતી. ગ્વાલિયરના કલેક્ટર રુચિકા ચૌહાણે ઘટનાની વિગતો આપતા જણાવ્યું હતું કે, હોસ્પિટલના ગાયનેકોલોજી વિભાગના ઇન્ટેન્સિવ કેર યુનિટ (ICU) ના એક એર કન્ડીશનરમાં રાત્રે લગભગ 1 વાગ્યે આગ લાગી હતી. આગ લાગવાના સમયે હોસ્પિટલમાં રહેલા 190 થી વધુ દર્દીઓ, જેમાં 13 ICU પેટન્ટનો સમાવેશ થાય છે, તેમને તાત્કાલિક બચાવી લેવામાં આવ્યા હતા. અધિકારીઓએ જણાવ્યું હતું કે, તેમને બીજી હોસ્પિટલમાં ખસેડવામાં આવ્યા છે. ચૌહાણે ખાતરી આપી હતી કે હોસ્પિટલના ICU અને અન્ય વોર્ડના તમામ દર્દીઓ સુરક્ષિત છે. તેણીએ ઉમેર્યું કે ખરેખર શું થયું તે શોધવા માટે તપાસ શરૂ કરવામાં આવશે.