By સીસીટીવી ફૂટેજ ના આધારે ભીલડી પોલીસે ગણતરીના કલાકોમાં ભેદ ઉકેલ્યો
ડીસાના મુડેઠા નજીક રવિવારે રાજસ્થાનના યુવકના માથામાં પક્કડ મારી હત્યા કરવામાં આવી હતી. આ અંગે ભીલડી પોલીસ મથકે ફરિયાદ નોંધાઇ હતી. દરમિયાન પોલીસે જુદીજુદી ટીમો બનાવી સીસીટીવી કેમેરાના ફૂટેજ સહિતની તપાસ કરી ત્રણ હત્યારાઓને ઝડપી લીધા હતા. રિક્ષા ભાડુ તેમજ રિક્ષા ઝડપથી ચલાવવા માટેના ઝઘડામાં યુવકની હત્યા કરવામાં આવી હોવાનું સામે આવ્યું હતુ.
ડીસા તાલુકાના મુડેઠા ગામના ટોલનાકા નજીક તારીખ, 2 નવેમ્બર 2024 ના રાત્રીના સુમારે રાજસ્થાનના શ્રવણરામ નિમ્બારામ ગોદારા (જાટ)ની હત્યા કરવામાં આવી હતી. જેનો ભીલડી પોલીસે ભેદ ઉકેલ્યો હતો. જેની વિગતો એવી છે કે, શ્રવણરામ કાંકરેજ તાલુકાના ચાંગા ગામેથી રસોઈ નું કામ કરતા હતા જેઓ તહેવારો પર પોતાના ઘેર રાજસ્થાન જાવા નીકળ્યા હતા તે દરમિયાન થરા થી ભીલડી સુધી જવા માટે થરા થી સ્પેશિયલ રીક્ષા કરી ભીલડી જવા નીકળ્યા હતા
દરમિયાન ખીમાણા સીએનજી પંપે રિક્ષાચાલક શ્રવણભાઈ ચેહરાભાઈ રાવળ (સાલાણી) (રહે. કાકર ઠાકોરવાસ તા. કાંકરેજ જી.બનાસકાંઠા) સાથે અલ્પેશજી ગલાબજી ઠાકોર (દેલણીયા) (રહે હાલ.ખસા બાલાજી ગોવિંદજી ઠાકોરના ઘરે તા. કાંકરેજ જી. બનાસકાંઠા) અને સંજયજી નારખનજી ઠાકોર (ભોદણીયા) (રહે.ખસા તા.કાંકરેજ જી.બનાસકાંઠા) ખીમાણાથી રીક્ષામાં બેઠા હતા. જ્યા ભાડું આપવા બાબતે તેમજ રિક્ષા ઝડપથી ચલાવવા બાબતે બોલાચાલી થતાં ત્રણેય ઇસમોએ માથાના ભાગે કપાળ ઉપર લોખંડનું પક્કડ માર્યુ હતુ. અને નાસી ગયા હતા. દરમિયાન શ્રવણભાઇને સારવાર અર્થે પાલનપુર અને વધુ સારવાર માટે જોધપુર લઈ જતાં ત્યાં મૃત્યુ થયું હતું. ભીલડી પોલીસે પેટ્રોલપંપના સીસીટીવી ફૂટેજ તપાસી સહિત જુદીજુદી ટીમો બનાવી આ ગુનાનો ભેદ ઉકેલ્યો હતો. ઉલ્લેખનીય છે કે, મૃતકની પત્ની પેગ્નેનેટ છે બાળકે પિતા નું મોઢું પણ જોયું નથી.
