મહેસાણા; વિજપુરના ગ્રામ્ય વિસ્તારમાં સાડા છ ઇંચ વરસાદ રોડ રસ્તા પાણી થી ભરાયા

મહેસાણા જિલ્લામાં વરસાદી માહોલ જામ્યો છે. જિલ્લાના વિવિધ વિસ્તારોમાં નોંધપાત્ર વરસાદ થયો છે. વિજાપુર તાલુકામાં સૌથી વધુ સાડા છ ઇંચ વરસાદ નોંધાયો છે. ખેરાલુ તાલુકામાં દોઢ ઇંચ વરસાદ પડ્યો છે. કડી વિસ્તારમાં પોણા બે ઇંચ વરસાદ નોંધાયો છે. સતલાસણા તાલુકામાં સવા ઇંચ વરસાદ થયો છે. વડનગર અને જોટાણામાં પોણો-પોણો ઇંચ વરસાદ નોંધાયો છે. જિલ્લાના બાકીના તમામ તાલુકાઓમાં પણ વરસાદ થયો છે. રાત્રે પડેલા વરસાદના કારણે વિજાપુર શહેરમાં પાણી ભરાઈ ગયા હતા. જોકે સવારે કેટલાક વિસ્તારોમાં પાણી ઓસરી જતા લોકોને હાલાકી પડી નહોતી.