દાંતીવાડા પોલીસે ખેતરમાં જુગાર રમતા નવ જુગારીઓને ઝડપી પાડ્યા

દાંતીવાડા તાલુકાના રાજકોટ ગામના ખેતરમાં ખુલ્લામાં શ્રાવણીયો તીનપત્તીનો જુગાર ખેલાતો હોવાની સ્થાનિક પોલીસને બાતમી મળી હતી. પી.આઈ કે.ડી બારોટે પોલીસ સ્ટાફના માણસો સાથે પહોંચી દરોડો પાડતા ઘટના સ્થળેથી એક જેગોલ અને આઠ ઇસમો રાજકોટ ગામના પોલીસના હાથે ઝડપાયા હતા. પોલીસે આરોપીઓ પાસેથી 13060 રોકડ તેમજ 9 મોબાઈલ જેની કિંમત 66,500 સહિત કુલ 79,560 નો મુદ્દામાલ ઝડપી પાડી તમામ આરોપીઓની સામે કાયદેસરની કાર્યવાહી હાથ ધરી છે..તીનપત્તીના જુગાર રમતા ઝડપાયેલા આરોપીઓમાં એક આરોપી સરપંચ પુત્ર હોવાનું સામે આવ્યું છે.