By સામાન્ય સભામાં રજૂ થયેલા મોટાભાગના કામો સર્વાનુંમતે મંજુર કરવામાં આવ્યા છે: પાલિકા પ્રમુખ, પાટણ નગરપાલિકાના સભાખંડ ખાતે બુધવારની બપોરે ૪-૦૦ કલાકે સામાન્ય સભાની બેઠક પાલિકા પ્રમુખ હિરલબેન પરમારના અધ્યક્ષ સ્થાને મળી હતી. જેમાં એજન્ડા પરના ૪૫ કામો અને વધારાના ૪ કામો મળી કુલ ૪૯ કામો અંગે વિચાર વિમર્શ કરવામાં આવ્યો હતો.
પાલિકાની મળેલી સામાન્ય સભામાં એજન્ડા પરના ૪૫ કામો રજુ કયૉ બાદ પાલિકા પ્રમુખ દ્વારા રજૂ કરાયેલા વધારાના ચાર કામો માં પહેલું કામ પાલિકાની વોટર વકૅ શાખા અને બાંધકામ શાખાના રોજમદારને યુનિવર્સિટી ની જેમ પગાર ચુકવવા, બીજું કામ પાટણ નગર પાલિકાના લેબરકોટૅ ના વકિલ તરીકે નિમણૂક મામલે આવેલ વિપુલ ત્રિવેદી ની અરજી મુદ્દે અને ત્રીજુ કામ રેલવે સ્ટેશનથી કોલેજ રોડ સુધી નવીન બની રહેલ ઓવર બ્રિજને પાટણના દાનવીર દાતા શેઠ કિલાચંદ દેવચંદ બ્રિજ નામ આપવા અને અંતમાં ચોથું કામ ચાણસ્મા- પાટણ-ડીસા હાઇવે અને ઊંઝા ત્રણ રસ્તા જેવા જુદા જુદા ૧૦ માગૅ પર ફલડ લાઈટની કામગીરી બાબતે ના કામો રજુ કરવામાં આવ્યા હતા. પાલિકા ખાતે બુધવારે મળેલી સામાન્ય સભામાં એજન્ડા પરના ૪૫ અને વધારાના ૪ મળી કુલ ૪૯ કામો પૈકી મોટાભાગના કામોને સર્વાનુંમતે મંજૂર કરવામાં આવ્યા હોવાનું પાલિકા પ્રમુખ હિરલબેન પરમારે જણાવ્યું હતું.
