By અવર-જવર કરતાં વાહન ચાલકો અટવાયા; ડીસાન હાઈવે પર છેલ્લા કેટલાક સમયથી નેશનલ હાઇવે ઓથોરિટીના અધિકારીઓની બેદરકારીના કારણે શહેરજનો ત્રાહિમામ પોકારી ઉઠ્યા છે. ડીસા હાઈવે પર વરસાદી પાણીના નિકાલ માટે નેશનલ હાઇવે ઓથોરિટી દ્વારા બનાવેલ ગટરના ઢાંકણા ખુલ્લી હાલતમાં નજરે પડી રહ્યા છે જેના લીધે અનેક વાર નાની મોટી આકસ્મિક ઘટનાઓ બની રહી છે. જેમાં ખાસ કરીને ખુલ્લી ગટરમાં પશુઓ પડવા સહિત અનેક રાહદારીઓ પણ પડી રહ્યા છે નેશનલ હાઇવે ઓથોરિટીના અધિકારીઓ ડીસા નાયબ કલેકટર સહિત ચુંટાયેલા પ્રતિનિધિઓની પણ રજુઆતો પણ ધ્યાનમાં લેતાં ન હોવાનું જાણવા મળી રહ્યું છે.
ત્યારે ડીસા રીલાયન્સ પેટ્રોલ પંપની બાજુમાં શિવનગર તરફ જવાના રસ્તા પર આવેલ ગટર લાઇન ઉપર અચાનક સ્લેબ તૂટી ગયો છે. જેથી અવર-જવર કરતાં રાહદારીઓ અને વાહન ચાલકો ભારે મુશ્કેલીમાં મૂકાયા છે. ત્યારે ડીસા નેશનલ હાઇવે ઓથોરિટી દ્વારા આ તાત્કાલિક ગટરનું સમારકામ કરાવે તો ઠીક છે નહીતર મોટી દુર્ઘટના સર્જાઇ શકે તેમ છે. આ રોડ પરથી મોટાપ્રમાણમાં ડીસા બજારમાંથી વાહનોની અવરજવર રહે છે રાહદારી રસ્તો પણ હોવાથી કોઈ મોટી દુઘટર્ના સર્જાઈ શકે છે. ત્યારે નેશનલ હાઇવે ઓથોરિટીના અધિકારીઓ તો મોટી આકસ્મિક ઘટના બને તેની રાહ જોઈને બેઠા હોય તેવું દેખાઈ રહ્યું છે. ત્યારે ડીસા ધારાસભ્ય દ્વારા તાત્કાલિક અસરથી નેશનલ હાઇવે ઓથોરિટીના અધિકારીઓ પાસે કામગીરી કરાવી તુટેલા ગટરનું સમારકામ કરાવી ખુલ્લા ગટર પર ઢાંકણા ઢાંકવામાં આવે તેવી લોકોની માંગ છે.
