By બનાસકાંઠા જિલ્લા ભારતીય જનતા પાર્ટીમાં મહત્વપૂર્ણ નિમણૂક કરવામાં આવી છે. કીર્તિસિંહ વાઘેલાને જિલ્લા ભાજપ પ્રમુખ તરીકે ફરી એક વખત જવાબદારી સોંપવામાં આવી છે. પાલનપુર નજીક ચડોતર વિસ્તારમાં આવેલા કમલમ કાર્યાલય ખાતે એક વિશેષ સમારોહનું આયોજન કરવામાં આવ્યું હતું. આ પ્રસંગે ભાજપના પ્રદેશ ઉપપ્રમુખ જયંતિભાઈ કવાડિયા અને ક્લસ્ટર ઇન્ચાર્જ જયસિંહ ચૌહાણ ખાસ ઉપસ્થિત રહ્યા હતા. તેમની હાજરીમાં કીર્તિસિંહ વાઘેલાની વરણી કરવામાં આવી હતી. આ નિમણૂક સાથે કીર્તિસિંહ વાઘેલા બીજી વખત બનાસકાંઠા જિલ્લા ભાજપના સુકાન સંભાળશે. તેમની આ નિમણૂકથી જિલ્લામાં પાર્ટીની કામગીરી વધુ મજબૂત બનશે તેવી આશા વ્યક્ત કરવામાં આવી છે.
