By ગોવામાં તાજેતરમાં લાગેલી ભયાનક આગ બાદ, રાજ્ય સરકારે એક મોટો નિર્ણય લીધો છે. ગોવામાં હવે તમામ હોટલ, પબ, નાઈટક્લબ અને રેસ્ટોરન્ટમાં ફટાકડા, ઈલેક્ટ્રોનિક ફટાકડા અને ફાયર ગેમ્સનો ઉપયોગ પ્રતિબંધિત છે.
૬ ડિસેમ્બરના રોજ ઉત્તર ગોવાના આર્પોરામાં બિર્ચ બાય રોમિયો લેન નાઇટક્લબમાં ભીષણ આગ લાગવાથી પચીસ લોકોના દુઃખદ મોત થયા હતા. ગોવાના મુખ્યમંત્રી પ્રમોદ સાવંતે બુધવારે અધિકારીઓ અને પ્રવાસન ક્ષેત્રના હિસ્સેદારો સાથે ઉચ્ચ સ્તરીય બેઠક યોજી હતી.
“મુખ્યમંત્રી પ્રમોદ સાવંતે હાજર અધિકારીઓને સ્પષ્ટપણે જણાવ્યું હતું કે રાજ્યમાં આવી દુર્ઘટના ફરી ન બને તે માટે વિવિધ પગલાં લેવામાં આવ્યા છે અને તેનો કડક અમલ થવો જોઈએ,” એમ બેઠકમાં હાજર એક વરિષ્ઠ અધિકારીએ જણાવ્યું હતું.
અધિકારીઓએ જણાવ્યું હતું કે નાઈટક્લબ દુર્ઘટના બાદ રાજ્ય સરકારે પહેલાથી જ અનેક આદેશો જારી કર્યા છે અને ઉચ્ચ સ્તરીય મેજિસ્ટ્રેટ તપાસ સમિતિ તેમજ ફાયર સેફ્ટી ઓડિટ સમિતિ જેવી સમિતિઓની રચના કરી છે.
મુખ્યમંત્રીએ તમામ વિભાગોને સ્પષ્ટ સૂચનાઓ આપી હતી કે, “મુખ્યમંત્રીએ તમામ વિભાગોને આદેશ આપ્યો છે કે તેઓ કોઈ પણ પ્રકારની બેદરકારી ન દાખવે, ખાસ કરીને ક્રિસમસ અને નવા વર્ષ દરમિયાન મોટી સંખ્યામાં પ્રવાસીઓ ગોવાની મુલાકાત લેશે તે ધ્યાનમાં રાખીને.
દરમિયાન, દિલ્હીની એક કોર્ટે બુધવારે ગોવા પોલીસને ‘બિર્ચ બાય રોમિયો લેન’ નાઇટક્લબના સહ-માલિક અજય ગુપ્તાના 36 કલાકના ટ્રાન્ઝિટ રિમાન્ડ મંજૂર કર્યા છે.
