By સમગ્ર ગુજરાતમાં ફોરવ્હીલ ગાડીઓ પરની બ્લેક ફિલ્મ અને LED લાઈટો હટાવવાની ઝુંબેશ પોલીસ દ્વારા શરૂ કરવામાં આવી છે. પોલીસ મહાનિરીક્ષક ચિરાગ કોરડીયા સરહદી રેન્જ ભુજ કચ્છ નાઓએ કડક અમલવારી કરવા સુચના કરેલ હોય જે અન્વયે ઝુંબેશના ભાગરૂપે ભીલડી પોલીસે પણ કાર્યવાહી હાથ ધરી છે.
ભીલડી પીઆઈ ડી.બી.પટેલ ના માર્ગદર્શન હેઠળ સોયલા નાળા પાસેથી ભીલડી બજાર પાસેથી પસાર થતી ફોરવ્હીલ ગાડીઓ પરથી બ્લેક ફિલ્મ હટાવવાની કામગીરી શરૂ કરવામાં આવી હતી. નિયમોનું ઉલ્લંઘન કરનારા વાહનચાલકોને સ્થળ પર દંડ ફટકારી કાયદેસરની કાર્યવાહી હાથ ધરવામાં આવી હતી. અને વાહનોમાં વધુ પેસેન્જર ભરેલ હોય અને બાઈક પર ત્રિપલ સવારી વાળા વાહન ચાલકો વિરુદ્ધ કડક કાર્યવાહી કરવામાં આવી હતી ભીલડી પોલીસની કડક કાર્યવાહીથી વાહનચાલકોમાં ફફડાટ ફેલાયો હતો.
