સુઇગામ ના ધનાણા ગામે દારૂ બંધી નું સુરસુરીયું; ગ્રામજનો મેદાને

સુઇગામ તાલુકા ના ધનાણા ગામે આજ થી બે માસ અગાઉ શિવ મંદિર ના સાંનિધ્ય માં સર્વ સમાજની એક અગત્યની બેઠક મળી હતી.તેમાં ગામમાં દારૂના વેચાણ કરનાર કે પીનાર સામે રૂ બે લાખનો દંડ કરવાની જાહેરાત કરવામાં આવી હતી. સમગ્ર ગ્રામજનો એ આ જાહેરાત માં ટેકો આપ્યો હતો. બે માસ સુધી ગામમાં વેચાણ કે પીવા પર સદંતર પ્રતિબદ્ધ થઈ ગયો હતો. જો કે બે દિવસ અગાઉ ધનાણા ગ્રામજનો એ મીડિયા ને એક લેખિત જાણ કરી જણાવ્યું હતું કે સુઇગામ પોલીસ મથક માં પી.આઇ ની પોસ્ટ હોવા છતાં અમારા ગામમાં ફરી પાછું દેશી વિદેશી દારૂ નું ધૂમ વેચાણ થતાં યુવાધન દારૂ ના રવાડે ચડી ગયું છે. ગામ લોકોની જાહેરાત નું સરસુરીયું થઈ ગયું છે. સ્થાનીક સુઇગામ પોલીસ ની રહેમ નજર હેઠળ બુટલેગરો બેફામ બનતાં કાયદો નો ડર રહ્યો નથી. જો દારૂ નું વેચાણ બંધ કરવામાં નહિ આવેતો ધનાણા ગ્રામજનો જિલ્લા પોલીસ વડા ને આવેદનપત્ર આપશે તેમ છતાં દારૂ બંધી નહીં થાય તો ગાંધીનગર એસ.એમ.સી ના વડા ને રજુઆત કરી અમારી લડત ચાલુ રાખીશું આમ સુઇગામ ની સ્થાનિક પોલીસ તરફ ગ્રામજનો એ ભારે નારાજગી દર્શાવી પોલીસ દારૂ ના બુટલેગરો ને સહકાર આપતી હોવાનું મીડિયા સમક્ષ જણાવ્યું હતું.