એર ઈન્ડિયાના વિમાનમાં એક મહિલાએ બાળકને જન્મ આપ્યો, ક્રૂ મેમ્બર્સ અને પાઈલટે ભજવી મહત્વની ભૂમિકા

ઘણીવાર તમે સમાચારમાં વાંચ્યું હશે કે કોઈ પાસેથી સાંભળ્યું હશે કે બસ કે ટ્રેનમાં મુસાફરી કરતી કોઈ મહિલાએ બાળકને જન્મ આપ્યો છે. પરંતુ એવું ભાગ્યે જ સાંભળવું કે વાંચવું પડે છે કે કોઈ મહિલાએ ફ્લાઇટમાં બાળકને જન્મ આપ્યો હોય. ગુરુવારે આવો જ એક કિસ્સો જોવા મળ્યો. હકીકતમાં, મસ્કતથી મુંબઈ જતી એર ઇન્ડિયા એક્સપ્રેસ ફ્લાઇટમાં એક મહિલાએ હવામાં જ બાળકને જન્મ આપ્યો. એરલાઇનના ક્રૂએ આ દુર્લભ ડિલિવરી સફળતાપૂર્વક પૂર્ણ કરી, જ્યારે ગ્રાઉન્ડ હેન્ડલિંગ ટીમે નવજાત શિશુ અને માતા બંનેની સલામતી અને આરોગ્યની ખાતરી કરી.