સુપ્રીમ કોર્ટ મંગળવારે રણવીર અલ્લાહબાદિયા દ્વારા કોમેડિયન સમય રૈના વિરુદ્ધ તેમના યુટ્યુબ શો, ઇન્ડિયાઝ ગોટ લેટેન્ટમાં કરવામાં આવેલી કથિત અશ્લીલ ટિપ્પણીઓ બદલ નોંધાયેલી અનેક એફઆઈઆરને એક સાથે જોડવાની માંગ કરતી અરજી પર સુનાવણી કરશે. આ કેસની સુનાવણી આજે જસ્ટિસ સૂર્યકાંત અને એન. કોટિશવર સિંહની બેન્ચ દ્વારા કરવામાં આવે તેવી અપેક્ષા છે.
શુક્રવારે, ભૂતપૂર્વ CJI DY ચંદ્રચુડના પુત્ર અભિનવ ચંદ્રચુડે સુપ્રીમ કોર્ટમાં કેસની તાત્કાલિક સૂચિબદ્ધ કરવાની માંગ કરી હતી. મુખ્ય ન્યાયાધીશ સંજીવ ખન્નાએ ખાતરી આપી હતી કે આ મામલો બેન્ચને સોંપવામાં આવશે અને બે થી ત્રણ દિવસમાં તેની સુનાવણી કરવામાં આવશે અને આજે કેસની સુનાવણી થશે.
તમને જણાવી દઈએ કે સમય રૈનાના યુટ્યુબ શો ઈન્ડિયાઝ ગોટ લેટેન્ટ શો પર અલ્લાહબાદિયા દ્વારા વાંધાજનક ટિપ્પણીઓ કર્યા બાદ વિવાદ ઉભો થયો હતો, જેના કારણે તેમની અને અન્ય લોકો વિરુદ્ધ અનેક FIR નોંધાઈ છે. અલ્લાહબાદિયા અને રૈના ઉપરાંત, આ કેસમાં યુટ્યુબ સેલિબ્રિટી આશિષ ચંચલાની, જસપ્રીત સિંહ અને અપૂર્વ માખીજાનો પણ સમાવેશ થાય છે.
