By હરિદ્વારના મનસા દેવી મંદિરમાં થયેલી ભાગદોડમાં અત્યાર સુધીમાં 6 લોકોના મોત થયા છે અને 25 થી 30 લોકો ઘાયલ થયા હોવાના અહેવાલ છે. આ ભાગદોડનો એક વીડિયો પણ સામે આવ્યો છે, જેમાં જોઈ શકાય છે કે લોકો એક જગ્યાએ અટવાઈ ગયા છે અને ચીસો અને બૂમો પડી રહી છે. મોટી ભીડને કારણે ઘણા લોકો ગૂંગળામણ અનુભવતા જોવા મળ્યા. આ ભીડમાં ઘણા માસૂમ બાળકો પણ ફસાયેલા જોવા મળ્યા. ચારે બાજુ લોકોનો અવાજ સંભળાઈ રહ્યો છે.
હરિદ્વારના જિલ્લા મેજિસ્ટ્રેટ મયુર દિક્ષિતે જણાવ્યું હતું કે, “પ્રાથમિક દ્રષ્ટિએ એવું લાગે છે કે કોઈએ અફવા ફેલાવી હતી કે વાયરમાં કરંટ વહે છે. અમે કેટલાક ફોટોગ્રાફ્સ જોયા છે જેમાં વાયર તૂટેલા જોવા મળે છે. એવું લાગે છે કે લોકોએ વાયર ખેંચીને દિવાલ પર ચઢવાનો પ્રયાસ કર્યો હતો અને તેથી જ નાસભાગ મચી હતી. અમારા ડોકટરોએ જણાવ્યું હતું કે મૃત્યુ ભાગદોડને કારણે થયા છે, ઇલેક્ટ્રિક શોકને કારણે નહીં. આ અંગે પણ વધુ તપાસ કરવામાં આવશે.”
ઉત્તરાખંડના મુખ્યમંત્રી પુષ્કર સિંહ ધામીએ પણ આ મામલે નિવેદન આપ્યું છે. તેમણે કહ્યું, “આજે સવારે 9 વાગ્યાની આસપાસ એક ખૂબ જ દુર્ભાગ્યપૂર્ણ ઘટનામાં, હરિદ્વારમાં મનસા દેવી મંદિરની સીડીઓ પાસે અફવાઓને કારણે ભાગદોડ મચી ગઈ. 6 લોકોએ જીવ ગુમાવ્યા. તમામ ઘાયલોને હોસ્પિટલમાં લઈ જવામાં આવ્યા છે. આ ઘટનાની મેજિસ્ટ્રેટ તપાસના આદેશ આપવામાં આવ્યા છે. અફવા શા માટે અને કેવી રીતે ફેલાઈ તે શોધવામાં આવી રહ્યું છે. જે પણ દોષિત સાબિત થશે તેની સામે કાર્યવાહી કરવામાં આવશે. ઘાયલોને શક્ય તેટલી મદદ કરવામાં આવી રહી છે.”
