By અમેરિકાના નવા ચૂંટાયેલા રાષ્ટ્રપતિ ટ્રમ્પના શપથ ગ્રહણ પહેલા તેમના કેબિનેટ સ્તરના ઘણા નોમિની અને તેમના પરિવારના સભ્યો, જેમાં ટોચના વહીવટી હોદ્દાઓ પર નિમણૂક કરવામાં આવી છે, તેમને ધમકીઓ મળી રહી હોવાનો કિસ્સો પ્રકાશમાં આવ્યો છે. ધમકીઓ આપનારાઓએ આ બધાને બોમ્બથી ઉડાવી દેવાની ચેતવણી આપી છે. જેના કારણે અમેરિકામાં ખળભળાટ મચી ગયો છે. મામલાની ગંભીરતાને સમજીને એફ.બી.આઈ એ તપાસ શરૂ કરી છે. નવા ચૂંટાયેલા રાષ્ટ્રપતિ ડોનાલ્ડ ટ્રમ્પના પ્રવક્તાએ ટ્રમ્પ કેબિનેટના નામાંકિત સભ્યો અને અન્યો સામે ધમકીઓ મળવા અંગે આ માહિતી આપી હતી.
તેમણે કહ્યું કે કાયદા અમલીકરણ એજન્સીઓએ તે ધમકીઓ સામે કાર્યવાહી કરી છે. પ્રવક્તા કેરોલિન લેવિટે કહ્યું કે નામાંકિત અને નિયુક્ત સભ્યોને 2 દિવસથી ધમકીઓ મળી રહી છે. લક્ષિત લોકોની સુરક્ષા સુનિશ્ચિત કરવા કાયદા અમલીકરણ અને અન્ય અધિકારીઓએ તાત્કાલિક પગલાં લીધાં. હવે આ બાબતની તપાસ કરવામાં આવી રહી છે.
