By ઇન્ડોનેશિયાના સિદોઆર્જોમાં એક દુ:ખદ અકસ્માત થયો છે. ઇસ્લામિક સ્કૂલની ઇમારત ધરાશાયી થતાં એક વિદ્યાર્થીનું મોત નીપજ્યું છે અને ઓછામાં ઓછા 65 વિદ્યાર્થીઓ કાટમાળ નીચે ફસાયા હોવાની આશંકા છે. અધિકારીઓએ આ અકસ્માત અંગે માહિતી આપી છે. આ અકસ્માતથી સમગ્ર વિસ્તાર હચમચી ગયો છે. શાળામાં અભ્યાસ કરતા બાળકોના પરિવારો ચિંતિત છે.
અધિકારીઓએ જણાવ્યું હતું કે પૂર્વ જાવાના સિદોઆરજો શહેરમાં આવેલી ઇસ્લામિક શાળા અલ ખોજીની ઇસ્લામિક બોર્ડિંગ સ્કૂલ ધરાશાયી થયાના અહેવાલ મળ્યા બાદ બચાવ કાર્યકરો, પોલીસ અને લશ્કરી કર્મચારીઓએ રાતભર વિદ્યાર્થીઓને બચાવવા માટે કામ કર્યું હતું. શાળાની ઇમારત જર્જરિત હાલતમાં હતી. ઘટનાના 12 કલાકથી વધુ સમય પછી, મંગળવારે પણ વિદ્યાર્થીઓને બચાવવાના પ્રયાસો ચાલુ રહ્યા.
અધિકારીઓએ જણાવ્યું હતું કે આ ઘટનામાં એક વિદ્યાર્થીનું મોત થયું છે અને અનેક લોકો ઘાયલ થયા છે. કાટમાળ નીચે ઓછામાં ઓછા 65 વિદ્યાર્થીઓ ફસાયા હોવાની આશંકા છે, જે 12 થી 17 વર્ષની ઉંમરના છે. ઘટનાના આઠ કલાકથી વધુ સમય પછી પોલીસ, લશ્કરી કર્મચારીઓ અને બચાવ કાર્યકરો આઠ ઘાયલ લોકોને બચાવવામાં સફળ રહ્યા હતા.
