By અલાહાબાદ હાઈકોર્ટે સંભલ જિલ્લા કોર્ટમાં ચાલી રહેલા કેસની સુનાવણી પર રોક લગાવી દીધી છે. હાઈકોર્ટે આ કેસની સુનાવણી પર 25 ફેબ્રુઆરી સુધી રોક લગાવી દીધી છે. અલાહાબાદ હાઈકોર્ટે સંભલની શાહી જામા મસ્જિદની વ્યવસ્થા સમિતિ દ્વારા દાખલ કરવામાં આવેલી અરજીની સુનાવણી દરમિયાન આ સ્ટે લગાવ્યો છે.
અલ્હાબાદ હાઈકોર્ટે તમામ પક્ષકારોને જવાબ આપવા માટે કહ્યું છે. પક્ષકારોએ ચાર અઠવાડિયામાં જવાબો ફાઇલ કરવાના રહેશે. પક્ષકારોના જવાબ પર, મસ્જિદ સમિતિએ બે અઠવાડિયાની અંદર પોતાનો જવાબ દાખલ કરવો પડશે.
હાઈકોર્ટે સુનાવણી પર સ્ટે મુક્યો હતો
અલાહાબાદ હાઈકોર્ટે જિલ્લા કોર્ટમાં ચાલી રહેલા કેસની સુનાવણી પર સ્ટે મૂક્યા બાદ મુસ્લિમ પક્ષને તાત્કાલિક રાહત મળી છે. આ કેસની સુનાવણી આજે હાઈકોર્ટમાં એટલે કે 8 જાન્યુઆરીએ જસ્ટિસ રોહિત રંજન અગ્રવાલની સિંગલ બેંચમાં થઈ હતી. આ અરજી શાહી જામા મસ્જિદની વ્યવસ્થા સમિતિ દ્વારા દાખલ કરવામાં આવી હતી. હાઈકોર્ટ આ મામલામાં 25 ફેબ્રુઆરીએ ફરી સુનાવણી કરશે. આ મામલે 25 ફેબ્રુઆરીએ નવા કેસ તરીકે સુનાવણી થશે.
